केपीआय ग्रीन एनर्जीने गुंतवणूकदारांना ग्रीन सिग्नल दिला! 6 महिन्यात 40% परतावा

KPI Green Share Price : भारतीय शेअर बाजारात गुरुवारी, 31 जुलै 2025 रोजी उत्साहाचे वातावरण पाहायला मिळाले. सेन्सेक्स आणि निफ्टीमध्ये तेजीसह ट्रेडिंगला सुरुवात झाली, पण सर्वाधिक चर्चेत राहिला तो म्हणजे KPI Green Energy Limited चा शेअर. केवळ सहा महिन्यांत या शेअरने जवळपास 40.91 टक्क्यांचा मजबूत परतावा दिला असून, याआधीच्या काळात तर 779 टक्क्यांपर्यंतचा विक्रमी झेप घेतली आहे.

हे पण वाचा : कोटकने आणला नवीन फंड! फक्त ₹५०० पासून SIP सुरू, जबरदस्त रिटर्नची संधी

आजच्या ट्रेडिंगच्या सुरुवातीलाच KPI Green चा शेअर 509.85 रुपयांवर उघडला आणि दिवसभरात 522.8 रुपयांचा उच्चांक गाठला, तर त्याचा नीचांकी स्तर 499.90 रुपये राहिला. सत्र संपताना शेअर 517.55 रुपयांवर स्थिरावला, जो 0.54% चा दिवसातील लाभ दाखवतो.

सध्या कंपनीचे मार्केट कॅप 10,216 कोटी रुपयांपर्यंत पोहोचले आहे, जे या क्षेत्रात त्यांच्या स्थिरतेचं आणि विस्ताराचं द्योतक मानलं जात आहे. गेल्या 52 आठवड्यांत KPI Green चा उच्चांक 745.33 रुपये आणि नीचांकी स्तर 313.4 रुपये राहिला आहे. म्हणजेच, हा शेअर केवळ अल्पकालीन नव्हे, तर दीर्घकालीन गुंतवणुकीसाठीही आकर्षक ठरत आहे.

सौरऊर्जेवर आधारित व्यवसाय करणारी ही कंपनी, केंद्र सरकारच्या हरित ऊर्जा धोरणांमुळे सध्या गुंतवणूकदारांच्या विशेष लक्षात आली आहे. हरित ऊर्जेची वाढती गरज, ESG फंड्सचे गुंतवणुकीत वाढलेले योगदान आणि कार्बन न्यूट्रॅलिटीच्या दिशेने होणारी वाटचाल या सर्व गोष्टींचा फायदा KPI Green ला मिळत आहे.

हे पण वाचा : सुझलॉन शेअरचे ताजं लक्ष्य जाहीर! तज्ज्ञांच्या मते आता ‘हा’ स्टॉक BUY करण्यास योग्य

या पार्श्वभूमीवर, बाजारातील तज्ज्ञांचा अंदाज आहे की आगामी तिमाहींमध्ये कंपनीची कमाई व नफा दरही सुधारतील. अनेक ब्रोकिंग फर्म्सनी या शेअरवर ‘Buy’ रेटिंगसह टार्गेट प्राईस 600 रुपयांच्या वर दिला आहे. त्यामुळे अल्प व मध्यमकालीन गुंतवणूकदारांसाठी हा शेअर फायदेशीर ठरू शकतो, असा अंदाज व्यक्त केला जात आहे.

दुसरीकडे, आज शेअर बाजारात सेन्सेक्स 245 अंकांनी वाढून 81,726.86 वर तर निफ्टी 79.30 अंकांच्या वाढीसह 24,934.35 वर स्थिरावला. निफ्टी बँक 177 अंकांनी आणि निफ्टी आयटी 73 अंकांनी वधारला. मात्र स्मॉलकॅप निर्देशांकात सौम्य घसरण पाहायला मिळाली.