बजाज हाउसिंग फाइनेंस शेअरवर 32% रिटर्नची शक्यता! गुंतवणूकदारांसाठी संधीच संधी

Bajaj Housing Finance Share Price : सध्या शेअर बाजारात थोडीशी कमजोरी असली तरी काही निवडक स्टॉक्स गुंतवणूकदारांना मोठा परतावा देण्याची क्षमता बाळगून आहेत. अशातच बजाज हाउसिंग फाइनेंस लिमिटेड या वित्तीय कंपनीच्या शेअरने गुंतवणूकदारांचे लक्ष वेधून घेतले आहे. सध्या बाजारात या शेअरची किंमत किंचित घसरलेली असली, तरी भविष्यात त्यातून तब्बल ३२ टक्क्यांपर्यंतचा परतावा मिळू शकतो, असा अंदाज तज्ज्ञांनी व्यक्त केला आहे.

हे पण वाचा : १ शेअरमागे ३५ रुपये डिव्हिडंड! बायर क्रॉपसायन्सकडून मोठी घोषणा

गुरुवारी, २४ जुलै २०२५ रोजी मुंबई शेअर बाजारात थोडीशी घसरण दिसून आली. बीएसई सेन्सेक्स १९५.७३ अंकांनी खाली येत ८२५३०.९१ वर बंद झाला, तर निफ्टी ३५.५५ अंकांनी घसरून २५१८४.३५ वर आला. या घसरणीच्या पार्श्वभूमीवरही बजाज हाउसिंग फाइनेंसवर बाजार विश्लेषकांचा विश्वास कायम आहे.

आजच्या ट्रेडिंगमध्ये बजाज हाउसिंग फाइनेंस शेअर ०.८८ टक्क्यांनी घसरून १२१.२० रुपयांवर बंद झाला. दिवसभरात या शेअरने १२२.५० रुपयांचा उच्चांक गाठला तर १२१ रुपयांपर्यंत घसरणही झाली. शेअरची ओपनिंग किंमत १२२ रुपये होती.

विशेष म्हणजे, या शेअरचा गेल्या ५२ आठवड्यांचा उच्चांक १८८.५० रुपये असून नीचांकी पातळी १०३.१० रुपये आहे. म्हणजेच, सध्याच्या किंमतीनुसार हा शेअर अजूनही त्याच्या उच्चांकी पातळीच्या तुलनेत बऱ्याच खाली आहे. त्यामुळेच तज्ज्ञांचा विश्वास आहे की, येत्या काळात बाजार स्थिर होताच या शेअरमध्ये मोठी उसळी येण्याची शक्यता आहे.

हे पण वाचा : आज हे १२ शेअर्स करतील धुमाकूळ! तिमाही निकाल आणि डील्समुळे गुंतवणूकदारांची नजर

कंपनीचं मार्केट कॅप सध्या १.०१ लाख कोटी रुपयांवर आहे. बजाज हाउसिंग फाइनेंस ही बजाज समूहाची अत्यंत विश्वासार्ह अशी सहाय्यक कंपनी असून गृहकर्ज, कर्ज पुनर्वितरण, कर्जावरील व्याज दरात सुस्पष्टता, आणि डिजिटल प्रक्रियेतील पारदर्शकता यामुळे ग्राहकांमध्ये तिचा भरवसा आहे. वित्तीय कामगिरीही गेल्या काही तिमाहींत मजबूत राहिली आहे, ज्यामुळे विश्लेषक गुंतवणुकीसाठी ‘बाय’ रेटिंग देत आहेत.

एका प्रतिष्ठित ब्रोकरेज हाऊसने या शेअरवर १६० रुपयांचा टार्गेट प्राइस दिला असून, ते साध्य झाल्यास सध्याच्या किंमतीतून गुंतवणूकदारांना तब्बल ३२% परतावा मिळू शकतो.