रिलायन्स पॉवर शेअर्सवर मोठा धक्का! ब्रोकिंग फर्मचा SELL सल्ला, भाव घसरणार?

Reliance Power Share Price : भारतीय शेअर बाजारात सोमवारी सकाळपासून सौम्य घसरणीचं वातावरण पाहायला मिळालं. बीएसई सेन्सेक्स 60.10 अंकांनी घसरून 81,402.99 वर स्थिरावला, तर निफ्टी केवळ 2.65 अंकांनी वाढून 24,839.65 वर पोहोचला. अशा मंदावलेल्या बाजारात रिलायन्स पॉवरच्या शेअर्सबाबत मोठी खबर आली असून, गुंतवणूकदारांनी सावध राहण्याचा सल्ला देण्यात आला आहे.

हे पण वाचा : गुंतवणूकदारांसाठी अलर्ट! सुझलॉन शेअरमध्ये नफावसुलीचे संकेत, SELL कॉल जारी

सोमवारी, 28 जुलै 2025 रोजी, रिलायन्स पॉवर लिमिटेडच्या शेअरमध्ये -2.57 टक्क्यांची घसरण झाली असून, तो 55.36 रुपयांवर ट्रेड करताना दिसला. दिवसाची सुरुवात 55 रुपयांपासून झाली, आणि दिवसभरातील उच्चांक 56.74 रुपये तर नीचांकी स्तर 54.36 रुपये इतका नोंदवला गेला.

विशेष म्हणजे, शेअर मार्केटमध्ये अरिहंत कॅपिटल ब्रोकिंग फर्मने रिलायन्स पॉवरवर ‘SELL’ रेटिंग दिलं आहे. या शेअरचं संभाव्य लक्ष्य 46 रुपये इतकं असल्याचा अंदाज व्यक्त करण्यात आला असून, याचा अर्थ सध्याच्या दरापेक्षा जवळपास -16.91 टक्क्यांची घसरण होण्याची शक्यता आहे. त्यामुळे अल्पकालीन गुंतवणूकदारांसाठी ही एक गंभीर सूचना मानली जात आहे.

सध्या या कंपनीचं एकूण मार्केट कॅप ₹22,796 कोटी रुपयांवर पोहोचलेलं आहे. गेल्या 52 आठवड्यांतील उच्चांकी किंमत 76.49 रुपये आणि नीचांकी 29.21 रुपये इतकी असून, हे शेअर्स गेल्या काही वर्षांत मोठ्या प्रमाणावर वाढले आहेत. गेल्या ५ वर्षांमध्ये रिलायन्स पॉवरच्या शेअरने तब्बल 1,528 टक्के परतावा दिला आहे, तर ३ वर्षांत 371 टक्के आणि एका वर्षात सुमारे 86 टक्के परतावा दिला आहे.

मात्र, अलिकडच्या घडामोडींनंतर बाजार विश्लेषकांचा असा विश्वास आहे की, यापुढे यामध्ये थोडी नफेखोरी सुरू होण्याची शक्यता आहे. कंपनीच्या आर्थिक कामगिरीकडे पाहता, लाभांश किंवा नव्या मोठ्या प्रोजेक्ट्सची घोषणा नसल्यामुळे अल्पकालीन गुंतवणूकदारांनी सावध राहणं गरजेचं ठरत आहे.

हे पण वाचा : ट्रायडेंट शेअरवर ब्रोकिंग हाऊसचा विश्वास, गुंतवणूकदारांना मिळू शकतो मोठा नफा!

रिलायन्स पॉवर ही अडानी, टाटा आणि NTPC यांच्यासारख्या कंपन्यांप्रमाणेच उर्जा क्षेत्रात कार्यरत आहे. मात्र, अलीकडे त्यांची स्पर्धात्मकता आणि प्रकल्प अंमलबजावणीसंबंधीच्या अडचणींमुळे संस्थात्मक गुंतवणूकदारांनी साशंकता दर्शवली आहे. त्यामुळे पुढील काही आठवड्यांत या शेअरच्या हालचालींवर लक्ष ठेवणं महत्त्वाचं ठरेल.