गुंतवणूकदार मालामाल! अपोलो मायक्रो सिस्टीम्सने दिला 1397% परतावा – पुढचं टार्गेट काय?
Apollo Micro Systems Share
Apollo Micro Systems Share : भारतीय शेअर बाजारात सध्या अस्थिरतेचं वातावरण असतानाही काही निवडक कंपन्यांचे शेअर्स गुंतवणूकदारांना प्रचंड नफा मिळवून देत आहेत. त्यातीलच एक नाव म्हणजे अपोलो मायक्रो सिस्टीम्स लिमिटेड. ही कंपनी संरक्षण क्षेत्रात कार्यरत असून तिचा शेअर सध्या बाजारात चर्चेचा विषय ठरत आहे. कारण, अवघ्या काही वर्षांत या शेअरने आपल्या गुंतवणूकदारांना 1397 टक्क्यांपर्यंतचा रिटर्न दिला आहे.
हे पण वाचा : हा शेअर झाला मल्टिबॅगर! 705 वरून 3030 रुपयांपर्यंत झेप, तज्ज्ञ म्हणतात ‘अजून खरेदी करा’
शुक्रवार, 18 जुलै 2025 रोजी शेअर बाजारात मोठी घसरण झाली होती. सेन्सेक्स तब्बल 501 अंकांनी घसरून 81,757 वर आला, तर निफ्टी 143 अंकांच्या घसरणीसह 24,968 वर स्थिरावला. मात्र अशा बिकट वातावरणातही अपोलो मायक्रो सिस्टीम्सचा शेअर आपल्या दमदार कामगिरीमुळे ठळक ठरला.
त्याच दिवशी हा शेअर 180.69 रुपयांवर ओपन झाला आणि काहीच वेळात 181.20 रुपयांचा दिवसाचा उच्चांक गाठला. दिवसअखेरीस मात्र हा शेअर किंचित घसरून 176.55 रुपयांवर बंद झाला. तरीही, मागील वर्षीच्या तुलनेत पाहिल्यास या शेअरने गुंतवणूकदारांना तब्बल 13 पट नफा कमवून दिला आहे.
या कंपनीची 52 आठवड्यांची उच्चांक पातळी 221.38 रुपये, तर नीचांकी पातळी 87.99 रुपये होती. म्हणजेच, या कालावधीत ज्या गुंतवणूकदारांनी तळाशी शेअर खरेदी केला, त्यांना आज दुप्पटहून अधिक फायदा मिळाला आहे.
अपोलो मायक्रो सिस्टीम्स लिमिटेड ही कंपनी संरक्षण, अंतराळ, रेल्वे आणि ऑटोमेशन या क्षेत्रात उपकरणे पुरवते. विशेषतः डिफेन्स क्षेत्रातील तिचा वावर अधिक खोल असून, भारतीय संरक्षण यंत्रणेसोबत कंपनीचे अनेक महत्त्वाचे करार आहेत. त्यामुळेच या कंपनीला येत्या काळातही प्रचंड वाढीची शक्यता वर्तवली जात आहे.
सध्या या कंपनीचे मार्केट कॅप 5,428 कोटी रुपये असून लघु-ते-मध्यम आकाराच्या गुंतवणूकदारांसाठी हा शेअर आकर्षणाचा विषय बनला आहे. अनेक ब्रोकरेज संस्थांनी या शेअरवर ‘BUY’ रेटिंग देऊन लक्ष ठेवण्याचा सल्ला दिला आहे. काही तज्ज्ञांनी टार्गेट प्राईस 230 रुपये पर्यंत जाण्याचा अंदाज व्यक्त केला आहे.
