जिओ फायनान्शिअल शेअर्समध्ये हालचाल, गुंतवणूकदारांसाठी कमाईची संधी!

Jio Finance Share Price : भारतीय शेअर बाजारात आज, बुधवार 30 जुलै 2025 रोजी सौम्य तेजीचा सूर पाहायला मिळाला. बीएसई सेन्सेक्स 155 अंकांनी वधारून 81,492 च्या पुढे गेला, तर निफ्टी 47 अंकांची वाढ नोंदवून 24,868 वर स्थिरावला. या सकारात्मक वातावरणात जिओ फायनान्शिअल सर्व्हिसेस लिमिटेड या रिलायन्स समूहाच्या महत्वाच्या कंपनीच्या शेअरने गुंतवणूकदारांचे लक्ष वेधून घेतले आहे.

हे पण वाचा : फक्त ₹21 मध्ये झपाट्याने वाढणारा पेनी स्टॉक! JP Power देऊ शकतो 27% परतावा

जिओ फायनान्शिअलचा शेअर आज 0.43 टक्क्यांची वाढ दर्शवत 322.50 रुपयांवर ट्रेड झाला. दिवसभरात हा शेअर 324 रुपयांपर्यंत गेला तर 320.25 रुपये या पातळीवर आला. ट्रेडिंगच्या सुरुवातीला हा शेअर 323 रुपयांवर उघडला होता. यावरून स्पष्ट होतं की गुंतवणूकदारांमध्ये या स्टॉकविषयी सकारात्मक भावना आहे.

गेल्या काही आठवड्यांपासून जिओ फायनान्शिअल शेअरमधील स्थिर वाटचाल आता हळूहळू तेजीच्या दिशेने सरकत असल्याचं तज्ज्ञांचे मत आहे. या शेअरची 52 आठवड्यांची उच्चांकी पातळी 363 रुपये तर नीचांकी पातळी 198.65 रुपये आहे. सध्या या शेअरची किंमत त्या उच्चांकाच्या अगदी जवळ आहे, यावरून या स्टॉकमध्ये अजूनही अपसाईडची संधी असल्याचं दिसून येतं.

सध्याच्या बाजार भांडवलानुसार जिओ फायनान्शिअलचे मार्केट कॅप 2.04 लाख कोटी रुपयांच्या घरात आहे. मोठ्या आर्थिक खेळाडूंनी आणि संस्थात्मक गुंतवणूकदारांनी या स्टॉकमध्ये आपली उपस्थिती वाढवू लागल्याचे संकेत मिळत आहेत.

हे पण वाचा : ‘या’ पॉवर स्टॉकने गुंतवणूकदारांना केलं श्रीमंत, 52 आठवड्यांचा रेकॉर्ड ब्रेक

गुंतवणूकदारांसाठी महत्त्वाचं म्हणजे, जिओ फायनान्शिअल ही केवळ एक NBFC कंपनी नसून, डिजिटल फायनान्स, कन्झ्युमर लेंडिंग आणि डेटा-ड्रिव्हन फायनांशियल सेवांमध्ये पाय रोवण्याच्या तयारीत आहे. रिलायन्स समूहाचा ब्रँड, वितरण नेटवर्क आणि फिनटेक क्षेत्रातला दृष्टीकोन या स्टॉकसाठी मोठी बलस्थाने ठरतात.