SBI शेअर देणार मोठा रिटर्न! नवीन टार्गेट प्राईस आणि स्टॉक रेटिंग जाहीर

SBI Share Price : देशातील सर्वात मोठी सरकारी बँक असलेल्या स्टेट बँक ऑफ इंडिया (SBI) चा शेअर आज पुन्हा एकदा गुंतवणूकदारांचा फेवरिट ठरला आहे. बुधवारच्या शेअर बाजारात स्थिरतेचे वातावरण असतानाही, SBI चा शेअर ८०३.४० रुपयांचा उच्चांक गाठत चर्चेत राहिला. तज्ज्ञांनी या शेअरला ‘बाय’ रेटिंग देऊन त्याचा टार्गेट प्राइसही जाहीर केला आहे, ज्यामुळे येत्या काळात SBI शेअर गुंतवणुकीसाठी फायदेशीर ठरू शकतो, असा अंदाज व्यक्त केला जात आहे.

हे पण वाचा : वेदांताने केलं श्रीमंत! 12,479% रिटर्न नंतर आता गुंतवणुकीची नवी संधी?

आज ट्रेडिंगच्या सुरुवातीला SBI शेअरने ७९८.९५ रुपयांवर ओपनिंग घेतली आणि काही तासांतच त्याने ८०३.४० रुपयांचा टप्पा गाठला. याच दरम्यान शेअरने दिवसभरात ७९६.२० रुपयांपर्यंत घसरणही अनुभवली, मात्र दिवसअखेर ०.२६% वधारत ८०१.२५ रुपयांवर स्थिरावला. ही कामगिरी समजून घेताना लक्षात घ्यावं लागेल की, सध्या SBI शेअर ५२ आठवड्यांच्या उच्चांक ८८१.४० रुपयांपासून काहीसा खाली आहे, पण त्याचवेळी ५२ आठवड्यांच्या नीचांक ६८० रुपयांच्या तुलनेत चांगला वधारलेला आहे.

SBI चं एकूण मार्केट कॅप सध्या ७.३९ लाख कोटी रुपयांवर पोहोचलं आहे, जे भारतीय बँकिंग क्षेत्रातील आघाडीचं स्थान अधोरेखित करतं. तांत्रिक विश्लेषकांच्या मते, सध्याच्या किंमतीवरही SBI शेअर गुंतवणुकीसाठी आकर्षक मानला जात आहे. अनेक ब्रोकरेज फर्म्सनी या शेअरला ‘बाय’ रेटिंग दिलं असून, पुढील काही महिन्यांत हा शेअर ८८० ते ९१० रुपयांपर्यंत जाऊ शकतो, असा विश्वास व्यक्त केला आहे.

हे पण वाचा : रिलायन्स पॉवरचा शेअर कोसळला! गुंतवणूकदारांसाठी तज्ज्ञांचं ‘टार्गेट अ‍ॅलर्ट’ जाहीर

यंदाच्या आर्थिक वर्षात SBI ने बँकिंग क्षेत्रात आपली पकड अधिक मजबूत केली आहे. डिजिटल व्यवहारांची वाढ, कर्जवाटपातील सुधारणा आणि NPA (थकबाकी) नियंत्रणामुळे बँकेच्या आर्थिक कामगिरीत स्थिरता दिसून येतेय. या पार्श्वभूमीवर गुंतवणूकदारांचा आत्मविश्वास वाढला असून, दीर्घकालीन गुंतवणूकदारांना चांगला परतावा मिळण्याची शक्यता आहे.