शेअर बाजारात घसरण! निफ्टी 25,200च्या खाली; कोणते शेअर्स वधारले?

Stock Market Today India : भारतीय शेअर बाजारात आज सकाळी थोडीशी उत्साहाची सुरुवात झाली असली, तरी काही वेळातच बाजारात घसरणीचे चित्र दिसून आले. आज गुरुवारी (२४ जुलै २०२५) निफ्टीची विकली एक्सपायरी असल्यामुळे सुरुवातीपासूनच बाजारात अस्थिरता जाणवली. सलग दोन दिवस बाजारात झालेल्या जोरदार तेजीमुळे अनेक गुंतवणूकदारांनी प्रॉफिट बुकिंग करण्याचा निर्णय घेतल्याचं स्पष्टपणे जाणवतं आहे.

हे पण वाचा : सरकारी कंपनीचा जबरदस्त प्लान! NTPC Green शेअर होणार मल्टिबॅगर?

आज सकाळी ९:१५ वाजता बाजाराने किंचित तेजीसह व्यवहाराला सुरुवात केली. सेन्सेक्स ५३ अंकांनी वधारून ८२,७७९ वर उघडला, तर निफ्टी २४ अंकांच्या वाढीसह २५,२४३ च्या पातळीवर सुरू झाला. बँक निफ्टीतही १०६ अंकांची वाढ नोंदवली गेली. परंतु ही तेजी फार काळ टिकू शकली नाही. सकाळीच काही मिनिटांत सेन्सेक्स १०० अंकांनी आणि निफ्टी २० अंकांनी खाली घसरताना दिसले.

आजच्या घसरणीच्या वातावरणामागे मुख्य कारण म्हणजे विकली एक्सपायरी आणि त्याचबरोबर आयटी कंपन्यांमध्ये आलेला विक्रीचा दबाव. आयटी शेअर्समध्ये मोठी विक्री झाल्यामुळे गुंतवणूकदार सावध झाले. त्यातच काही कंपन्यांचे तिमाही निकाल बाजाराच्या अपेक्षेपेक्षा कमी राहिल्यामुळे निराशा वाढली. त्यामुळे गुंतवणूकदारांनी नफेखोरीचा मार्ग पत्करल्याचे दिसून येते.

दरम्यान, काही क्षेत्रांत मात्र तेजी दिसली. विशेषतः हेल्थकेअर, फार्मा, ऑटो आणि मेटल सेक्टरमध्ये खरेदीचा जोर राहिला. या क्षेत्रांतील शेअर्सना गुंतवणूकदारांचा चांगला प्रतिसाद मिळत असून काही निवडक स्टॉक्सनी नफा दिला. उलटपक्षी, आयटीसह वित्तीय सेवा, खासगी बँका आणि रिअल इस्टेट क्षेत्रांमध्ये विक्रीचा कल होता.

हे पण वाचा : कमाल परताव्यासाठी तयार व्हा! अदानी ग्रीन शेअरकडून गुंतवणूकदारांना मोठी आशा

चलन बाजाराच्या बाबतीत बोलायचं झालं तर, भारतीय रुपया डॉलरच्या तुलनेत ७ पैशांनी वधारून ८६.३३ वर उघडला. आंतरराष्ट्रीय बाजारातील स्थिर वातावरणाचा रुपयाच्या हालचालीवर परिणाम दिसून आला.