NSDL IPO मध्ये तुफान मागणी! ग्रे मार्केटमध्ये जोरदार भाव, गुंतवणूकदारांसाठी सुवर्णसंधी

NSDL IPO Date : गेल्या काही आठवड्यांपासून शेअर बाजारात सुधारणा दिसून येत असतानाच आता गुंतवणूकदारांचे लक्ष वेधणारा आणखी एक मोठा IPO बाजारात येतोय. देशातील सर्वात जुनी आणि विश्वसनीय डिपॉझिटरी म्हणजेच नॅशनल सिक्युरिटीज डिपॉझिटरी लिमिटेड (NSDL) आपला बहुप्रतिक्षित IPO 30 जुलै 2025 रोजी सादर करणार असून, त्याची सध्या ग्रे मार्केटमध्ये मोठी चर्चा सुरू आहे.

हे पण वाचा : 1169% परतावा देणारा BEL शेअर पुन्हा चर्चेत! आता मिळू शकतो 26.94% झपाट्याचा रिटर्न

ग्रे मार्केटमध्ये या IPO साठी प्रचंड उत्साह असून, शेअर्स मागणीपेक्षा अधिक मागितले जात आहेत. परिणामी, गुंतवणूकदारांमध्ये एक वेगळाच उत्साह पाहायला मिळतोय. अनलिस्टेड बाजारात NSDL चे शेअर्स सध्या 1025 रुपयांपर्यंत व्यवहारात आहेत, तर IPO चे किंमत बँड 760 ते 800 रुपये इतकं ठेवण्यात आलं आहे. म्हणजेच, ग्रे मार्केटमधील दराच्या तुलनेत 22 टक्क्यांनी स्वस्तात शेअर्स मिळण्याची संधी आहे.

या IPO मध्ये एक लॉट 18 शेअर्सचा असून किरकोळ गुंतवणूकदारांसाठी किमान गुंतवणूक 14,400 रुपये लागणार आहे. विशेष म्हणजे, एका गुंतवणूकदाराला कमाल 13 लॉटपर्यंत शेअर्स मिळवता येणार आहेत.

NSDL च्या IPO अंतर्गत एकूण 5.01 कोटी शेअर्स विक्रीसाठी (OFS) उपलब्ध असणार आहेत. यामध्ये IDBI बँक 2.22 कोटी शेअर्स, तर नॅशनल स्टॉक एक्सचेंज (NSE) 1.80 कोटी शेअर्स विकणार आहे. या दोघांच्या मालकी अनुक्रमे 26.01% आणि 24% एवढी आहे. शिवाय, स्टेट बँक ऑफ इंडिया, HDFC बँक आणि युनिट ट्रस्ट ऑफ इंडियाही या विक्रीत भाग घेणार आहेत.

हे पण वाचा : सुझलॉन शेअरमध्ये घसरण असूनही गुंतवणुकीसाठी योग्य? वाचा BUY करायचा का नाही?

विशेष म्हणजे, IPO चा अँकर भाग 29 जुलै रोजी खुला होईल आणि सामान्य गुंतवणूकदारांसाठी 30 जुलै ते 1 ऑगस्ट दरम्यान हा इश्यू खुला राहणार आहे. हा IPO पूर्णपणे विक्रीसाठी असून त्यामधून NSDL ला थेट निधी मिळणार नाही, मात्र या विक्रीमुळे कंपनीची बाजारातील उपस्थिती आणि पारदर्शकता वाढणार आहे.

NSDL ही 1996 मध्ये स्थापन झालेली देशातील पहिली डिपॉझिटरी असून तिच्या माध्यमातून भारतात DEMAT स्वरूपातील व्यवहाराची सुरुवात झाली. आज तिच्या प्रणालीवर देशातील 99 टक्क्यांहून अधिक DEMAT व्यवहार होत असतात. त्यामुळे या IPO वर गुंतवणूकदारांचा भरवसा असणं साहजिकच आहे.