गुंतवणूकदारांसाठी सुवर्णसंधी! ‘या’ फार्मा शेअरला ब्रोकरेजने दिला ‘Buy’ सिग्नल

Gujarat Themis : शेअर बाजार सध्या थोडकासा गोंधळलेला असला, तरी काही निवडक शेअर्सने गुंतवणूकदारांचे लक्ष वेधून घेतले आहे. त्यातलाच एक म्हणजे ‘गुजरात थेमिस बायोसिन लिमिटेड’ – एक फार्मा क्षेत्रातील कंपनी, जी अलिकडच्या काही महिन्यांत गुंतवणूकदारांसाठी खऱ्या अर्थाने “मल्टिबॅगर” ठरली आहे. फेब्रुवारी 2025 मध्ये जिथे या शेअरची किंमत अवघी ₹192 होती, तिथे आज तो ₹400 च्या आसपास ट्रेड करत आहे. म्हणजेच अवघ्या चार महिन्यांत जवळपास 100 टक्के परतावा!

हे पण वाचा : सरकारी NHPC शेअर मजबूत परतावा देणार, तज्ज्ञांचा बुलिश सल्ला

वेंचुरा सिक्योरिटीज या प्रसिद्ध ब्रोकरेज संस्थेने या शेअरवर जबरदस्त तेजीचा अंदाज वर्तवला आहे. त्यांचा दावा आहे की, गुजरात थेमिस पुढील काळात 80% पर्यंत वाढू शकतो. त्यांनी या शेअरसाठी थेट ₹700 ची लक्ष्य किंमत दिली असून, ₹305 चा स्टॉपलॉस सुचवला आहे. म्हणजेच सध्याच्या बाजारभावाच्या तुलनेत जोखीम मर्यादित आणि परतावा मोठा असण्याची शक्यता आहे.

या शेअरचा ट्रेंड आणि चार्ट्स पाहता सपोर्ट रेंज ₹325 ते ₹360 दरम्यान आहे. त्यामुळे बाजार घसरल्यासही या पातळीवर खरेदीची संधी मिळू शकते. विशेष म्हणजे, हा शेअर नुकताच ₹400 चा टप्पा पार करत ‘ऑल टाइम हाय’ गाठला आहे. डिसेंबर 2023 मध्ये जेव्हा याची किंमत अवघी ₹107 होती, तेव्हापासून याने घवघवीत वाढ नोंदवली आहे.

गुजरात थेमिसचा इतिहास फारसा झगमगाटाचा नसला, तरी कंपनीची कामगिरी सातत्यपूर्ण राहिली आहे. 1981 मध्ये स्थापन झालेली आणि 1985 पासून उत्पादन सुरू केलेली ही कंपनी क्षयरोगावरील “रिफॅम्पिसिन” औषधाच्या उत्पादनासाठी ओळखली जाते. याच क्षेत्रात ती भारतातील पहिली कंपनी आहे.

गेल्या काही वर्षांतील रिटर्न्स पाहिले तर, हा शेअर एक खऱ्या अर्थाने मल्टिबॅगर ठरतो – पाच वर्षांत तब्बल 1555%, तीन वर्षांत 450%, दोन वर्षांत 275% इतका परतावा. ही आकडेवारीच गुंतवणूकदारांच्या उत्साहाची पातळी स्पष्ट करते.

हे पण वाचा : फक्त 86 रुपयांचा सरकारी शेअर देतोय 35% परतावा, जाणून घ्या ब्रोकर्सचं टार्गेट

कंपनीचे मार्केट कॅप सध्या ₹4200 कोटींपर्यंत पोहोचले आहे. शेअरहोल्डिंग पॅटर्नवर नजर टाकल्यास, किरकोळ गुंतवणूकदारांचा वाटा 16.05% असून 27,504 गुंतवणूकदारांनी यात पैसे गुंतवले आहेत. विशेष म्हणजे, FII (परदेशी गुंतवणूकदार) यांचा वाटा वाढताना दिसतो आहे – जून 2024 मध्ये 1.44% असलेला वाटा, जून 2025 मध्ये 2.51% झाला आहे.