24.41% घसरणीनंतरही हा PSU स्टॉक फायदेशीर? गुंतवणूकदारांसाठी मोठा संकेत
PSU Stocks 2025
PSU Stocks 2025 : भारतीय शेअर बाजारात मागील काही दिवसांपासून अस्थिरतेचं वातावरण आहे. शुक्रवार, 18 जुलै 2025 रोजी सेन्सेक्स तब्बल 501 अंकांनी घसरून 81,757 वर पोहोचला. निफ्टीतही 143 अंकांची घट झाली असून तो आता 24,968 वर स्थिरावला आहे. या घसरणीचा फटका PSU (सार्वजनिक क्षेत्रातील) कंपन्यांच्या शेअर्सना मोठ्या प्रमाणात बसला असून 2025 मध्ये PSU शेअर्समध्ये सरासरी 24.41% घसरण नोंदवली गेली आहे.
हे पण वाचा : IRFC शेअर बनणार पैसा कमवण्याचं नवं साधन, शेअरवर तज्ज्ञांचा पॉझिटिव्ह कॉल!
या पार्श्वभूमीवर इंडियन रिन्यूएबल एनर्जी डेव्हलपमेंट एजन्सी लिमिटेड (IREDA) चा शेअरही दबावाखाली गेला आहे. शुक्रवारी IREDA चा स्टॉक 1.34% नी घसरून 157.14 रुपयेवर बंद झाला. दिवसभरातील ट्रेडिंगदरम्यान तो 157.10 ते 159.70 रुपयांच्या रेंजमध्ये झुलत राहिला.
IREDA शेअरची 52 आठवड्यांची उच्चांकी किंमत 282.90 रुपये, तर नीचांकी किंमत 137.01 रुपये इतकी आहे. सध्या या कंपनीचं मार्केट कॅप 44,214 कोटी रुपये असून नजीकच्या काळात ही कंपनी पुन्हा एकदा गुंतवणूकदारांच्या लक्षात येईल, असं भाकीत काही विश्लेषकांनी व्यक्त केलं आहे.
गुंतवणूकदारांसाठी यावेळी सगळ्यात मोठा प्रश्न आहे – IREDA शेअर ‘BUY’ करावा का? की ‘SELL’ किंवा ‘Hold’?
विश्लेषकांच्या मते, IREDA ही ऊर्जा क्षेत्रात एक महत्त्वाची PSU कंपनी असून सरकारच्या हरित ऊर्जा धोरणामुळे याला लांब पल्ल्याचा फायदा मिळू शकतो. मात्र, सध्या बाजारातील अस्थिरतेमुळे अल्पकालीन गुंतवणूकदारांनी सावध राहणं योग्य ठरेल. दीर्घकालीन दृष्टीकोनातून पाहता हा शेअर आकर्षक पातळीवर उपलब्ध असल्याचं मत अनेक ब्रोकरेज फर्म्सनी व्यक्त केलं आहे.
दुसरीकडे, निफ्टी बँक निर्देशांकात तब्बल 545 अंकांची घट झाली असून तो आता 56,283 वर आहे. स्मॉलकॅप निर्देशांकातही 354 अंकांची घसरण झाली आहे. हे पाहता केवळ PSU कंपन्याच नव्हे तर संपूर्ण मार्केटच सध्या दबावाखाली असल्याचं स्पष्ट होतं.
