25k मध्ये 5000mAh बॅटरी, 50MP कॅमेरा आणि बरंच काही…; Samsung Galaxy M56 स्मार्टफोन झाला लाँच
Samsung Galaxy M56 | सॅमसंगने आपला नवीन स्मार्टफोन Samsung Galaxy M56 5G भारतात लाँच केला आहे. हा फोन मिड-रेंज सेगमेंटमध्ये ५०००mAh बॅटरीसह लाँच करण्यात आलेला आहे. त्याचबरोबर, ५० मेगापिक्सलचा ट्रिपल रियर कॅमेरा आणि १२ मेगापिक्सलचा फ्रंट कॅमेरा फोनमध्ये उपलब्ध आहे. सॅमसंगयाच्या विक्रीची सुरुवात २३ एप्रिलपासून अमेझॉन इंडिया आणि सॅमसंगच्या अधिकृत वेबसाइटवर करणार आहे.
ऑफरचा धमाका-
सॅमसंग गॅलेक्सी M56 स्मार्टफोनची किंमत ₹२४,९९९ ठेवण्यात आली आहे. फोनवर काही खास ऑफर्स देखील उपलब्ध आहेत. HDFC बँकेच्या क्रेडिट आणि डेबिट कार्डधारकांना ₹३००० पर्यंत फ्लॅट डिस्काउंट मिळू शकतो. फोनच्या रंग पर्यायांमध्ये हलका हिरवा आणि काळा रंग दिला आहे.
या स्मार्टफोनमध्ये ६.७ इंचाचा FHD+ सुपर AMOLED डिस्प्ले आहे जो १२०Hz रिफ्रेश रेटला सपोर्ट करतो. डिस्प्लेमध्ये कॉर्निंग गोरिल्ला ग्लास व्हिक्टस प्रोटेक्शन देखील आहे. यामध्ये व्हिजन बूस्टर सपोर्ट असल्यामुळे, बाह्य वातावरणात चांगले दृश्य देखील मिळते.
ऑपरेटिंग सिस्टम आणि इतर फीचर्स
प्रोसेसरबाबत बोलायचं झालं तर, सॅमसंग गॅलेक्सी M56 स्मार्टफोन ऑक्टा-कोर प्रोसेसरसह सुसज्ज आहे. ८GB एलपीडीडीआर५एक्स रॅम आणि १२८GB/२५६GB यूएफएस ३.१ स्टोरेज दिली आहे. तसेच, मायक्रोएसडी कार्ड स्लॉटद्वारे स्टोरेज वाढवता येऊ शकते.
ऑपरेटिंग सिस्टमबद्दल सांगायचं झालं तर, सॅमसंग गॅलेक्सी M56 अँड्रॉइड ७ वर आधारित वन यूआय १५ कस्टम स्किनवर चालतो. या फोनमध्ये अनेक एआय फीचर्स जसे की एआय इरेजर, एडिट सजेशन्स आणि इमेज क्लिपर दिले आहेत, जे वापरकर्त्यांसाठी अधिक कार्यक्षम ठरतात.
कॅमेरा फीचर्स-
फोनचा कॅमेरा विभाग अत्यंत आकर्षक आहे. ५०MP प्रायमरी कॅमेरा, ८MP अल्ट्रा वाइड अँगल कॅमेरा आणि २MP मॅक्रो कॅमेरा यांसारख्या कॅमेरा लेन्सेसह येणारा हा स्मार्टफोन, सेल्फी आणि व्हिडिओ कॉलिंगसाठी १२MP फ्रंट कॅमेरा देखील प्रदान करतो.
सॅमसंग गॅलेक्सी M56 स्मार्टफोनमध्ये ५०००mAh बॅटरी आहे आणि ४५W फास्ट चार्जिंग सपोर्ट देखील आहे. यामध्ये ५जी कनेक्टिव्हिटीसह ४जी एलटीई, ब्लूटूथ, ड्युअल-बँड वाय-फाय, जीपीएस आणि यूएसबी टाइप-सी पोर्ट देखील आहे.
संपूर्णपणे, सॅमसंग गॅलेक्सी M56 स्मार्टफोन एक उत्तम मिड-रेंज स्मार्टफोन आहे ज्यात उत्कृष्ट कॅमेरा, शक्तिशाली बॅटरी आणि उच्च गुणवत्ता असलेला डिस्प्ले आहे. ५०MP कॅमेरा आणि ५०००mAh बॅटरीसह, हा फोन वापरकर्त्यांसाठी एक उत्तम पर्याय ठरू शकतो.
