FD पेक्षा भरघोस! SBI बँकेचा शेअर देणार 24.54% रिटर्न, गुंतवणूकदारांना संधी

SBI Share Price : सध्या आर्थिक अस्थिरतेच्या पार्श्वभूमीवर बहुतांश गुंतवणूकदार ‘सुरक्षित’ पर्याय शोधत आहेत. पारंपरिक एफडीमध्ये रक्कम गुंतवून ६ ते ७ टक्के परताव्यावर समाधान मानणाऱ्या गुंतवणूकदारांसाठी आता एक नव्या दिशेचा इशारा समोर आला आहे — स्टेट बँक ऑफ इंडियाचा शेअर. देशातील सगळ्यात मोठ्या सार्वजनिक क्षेत्रातील बँकेचा हा शेअर सध्या गुंतवणूकदारांना तब्बल २४.५४ टक्के परतावा देऊ शकतो, असं तज्ज्ञांचं म्हणणं आहे. म्हणजेच एफडीच्या तुलनेत चारपट अधिक उत्पन्नाची संधी.

हे पण वाचा : टाटा समूहाच्या TTML शेअरचा मोठा इतिहास! घसरणीनंतर गुंतवणुकीची संधी की धोका?

भारतीय शेअर बाजारात 18 जुलै रोजी मोठी घसरण पाहायला मिळाली. बीएसई सेन्सेक्स 501 अंकांनी कोसळून 81,757 अंकांवर पोहोचला, तर निफ्टी 143 अंकांनी घसरून 24,968 वर गेला. बँक निफ्टीमध्येही जवळपास 546 अंकांची घसरण झाली. मात्र, अशा अस्थिर वातावरणातही स्टेट बँक ऑफ इंडियाचा शेअर फारसा ढळलेला दिसला नाही. शुक्रवारच्या सत्रात SBI चा शेअर 832 रुपयांवर उघडला आणि दिवसभरात 832.65 रुपयांचा उच्चांक गाठत अखेरीस 823 रुपयांवर स्थिरावला. या व्यवहारात गुंतवणूकदारांचा विश्वास स्पष्टपणे जाणवला.

या शेअरने गेल्या ५२ आठवड्यांत 680 रुपयांपासून 899 रुपयांपर्यंत प्रवास केला आहे. सध्या तो 823 रुपयांवर ट्रेड करत असला, तरी तज्ज्ञांच्या मते येत्या काही महिन्यांत तो 1025 रुपयांचा टप्पा गाठू शकतो. कंपनीचे मार्केट कॅप 7.34 लाख कोटी रुपये असून, तिची आर्थिक स्थिती अत्यंत मजबूत आहे. कर्ज वितरण, डिजिटल बँकिंगमधील आघाडी आणि कर्जफेडीचे सुधारलेले प्रमाण यामुळे या शेअरमधील विश्वास अधिक दृढ झाला आहे.

हे पण वाचा : रिलायन्स इंडस्ट्रीजचा सरप्राइज निकाल! नफ्यात विक्रमी 78% वाढ

तज्ज्ञांचे मतही या गोष्टीला दुजोरा देत आहे. त्यांच्यामते SBI चा शेअर दीर्घकालीन गुंतवणुकीसाठी एक सुरक्षित पर्याय आहे. बँकेच्या कमाईत सातत्याने वाढ होत असून, सरकारी पाठबळ, ग्राहकांचा भरवसा आणि व्यवस्थापनाची मजबूत कार्यपद्धती यामुळे भविष्यातील वाढीचे दार खुलं आहे.