मोतीलाल ओसवालने दिले 5 दमदार शेअर टार्गेट्स, खरेदी केली नाही तर पश्चात्ताप होईल!

Motilal Oswal Stock Picks : देशातील अग्रगण्य ब्रोकरेज फर्म ‘मोतीलाल ओसवाल’ने गुंतवणूकदारांसाठी पाच निवडक शेअर्सची यादी नुकतीच प्रसिद्ध केली आहे. या शेअर्समध्ये गुंतवणूक केल्यास वर्षभरात 35 टक्क्यांपर्यंत परतावा मिळू शकतो, असा ठाम विश्वास फर्मने व्यक्त केला आहे. नुकत्याच जाहीर झालेल्या आर्थिक निकालांच्या पार्श्वभूमीवर ही निवड करण्यात आली आहे. यामध्ये काही शेअर्स ‘BUY’ रेटिंगसह पुढील वाढीच्या वाटचालीसाठी सज्ज असल्याचे दिसते, तर काहींना ‘NEUTRAL’ रेटिंग देऊन सावध राहण्याचा इशारा देण्यात आला आहे.

हे पण वाचा : फक्त 21 रुपयांचा शेअर, पण श्रीमंत बनवू शकतो! जाणून घ्या टार्गेट प्राईस

या यादीत समाविष्ट असलेल्या कंपन्यांमध्ये माहिती तंत्रज्ञान, इन्फ्रास्ट्रक्चर, रिअल इस्टेट आणि इलेक्ट्रॉनिक्स उत्पादन क्षेत्रातील आघाडीच्या कंपन्यांचा समावेश आहे. गुंतवणुकीचा दीर्घकालीन दृष्टिकोन ठेवणाऱ्या गुंतवणूकदारांसाठी ही यादी विशेष महत्त्वाची ठरू शकते.

सर्वप्रथम, HCL टेक्नॉलॉजीज या आयटी क्षेत्रातील दिग्गज कंपनीने अलीकडेच आपले आर्थिक निकाल जाहीर केले. या पार्श्वभूमीवर मोतीलाल ओसवालने HCL ला ‘BUY’ रेटिंग दिले असून 2000 रुपयांचे लक्ष्य दिले आहे. सध्या बाजारभावाच्या तुलनेत यामध्ये 32 टक्क्यांची वाढ होण्याची शक्यता वर्तवली जात आहे. मागील सहा महिन्यांतील घसरण लक्षात घेता, हे शेअर सध्या सवलतीच्या दरात उपलब्ध असल्याचा फायदाही गुंतवणूकदार घेऊ शकतात.

दुसरीकडे, डिक्सन टेक्नॉलॉजीज या इलेक्ट्रॉनिक्स क्षेत्रातील कंपनीवरही ‘BUY’ रेटिंग कायम ठेवण्यात आले आहे. 22,100 रुपयांचे उद्दिष्ट ठेवून ब्रोकरेज फर्मने या शेअरमधील 35 टक्क्यांपर्यंत परताव्याची शक्यता दर्शवली आहे. गेल्या वर्षभरात या शेअरने जवळपास 50 टक्क्यांची भरघोस वाढ नोंदवली असून, सध्या ही कंपनी उत्पादन वृद्धीच्या टप्प्यावर आहे.

इन्फ्रास्ट्रक्चर क्षेत्रातील JSW Infrastructure या कंपनीचे शेअर्सही गुंतवणूक करण्यायोग्य ठरत असून, 380 रुपयांचे लक्ष्य ठेवण्यात आले आहे. यामध्ये 17 टक्क्यांपर्यंत परताव्याची शक्यता आहे. मागील महिन्यात या शेअरने 7 टक्के वाढ नोंदवली असून, स्थिरतेच्या दृष्टीने हा पर्याय चांगला ठरू शकतो.

हे पण वाचा : टाटा पॉवर शेअर्समध्ये 38% कमाईची संधी, गुंतवणूकदारांनी तयार राहा

दरम्यान, पेटीएमच्या बाबतीत ब्रोकरेज फर्मने सावध भूमिका घेतली आहे. याला ‘NEUTRAL’ रेटिंग देत, लक्ष्य किंमत 1025 रुपये निश्चित केली आहे. मागील वर्षभरात 126 टक्के परतावा दिल्यानंतरही फर्मने भविष्यातील अनिश्चितता लक्षात घेऊन कमी जोखमीच्या गुंतवणुकीचा सल्ला दिला आहे.

तसेच ओबेरॉय रिअल्टी या रिअल इस्टेट क्षेत्रातील कंपनीसाठीही ‘NEUTRAL’ रेटिंग कायम ठेवण्यात आली आहे. 1878 रुपये लक्ष्य किंमत देत, फक्त 6 टक्क्यांपर्यंत वाढ होण्याची शक्यता दर्शवण्यात आली आहे.