25 जुलैला ‘या’ जिल्ह्यांमध्ये पावसाचा कहर! रेड अलर्ट जाहीर

Maharashtra Rain Alert 25 July 2025 : राज्यात मागील काही दिवसांपासून पावसाने विश्रांती घेतली होती. मात्र आता पुन्हा एकदा मान्सूनने आपली ताकद दाखवायला सुरुवात केली आहे. कोकण, विदर्भ आणि घाटमाथ्याच्या भागात जोरदार पावसाने हजेरी लावल्याने अनेक जिल्ह्यांमध्ये पूरजन्य परिस्थिती निर्माण होण्याची शक्यता निर्माण झाली आहे. हवामान विभागाने दिलेल्या ताज्या अंदाजानुसार, 25 जुलै 2025 रोजी महाराष्ट्रातील अनेक जिल्ह्यांत मुसळधार ते अति मुसळधार पावसाची शक्यता आहे, त्यामुळे सतर्कतेचा इशारा देण्यात आला आहे.

हे पण वाचा : आजचा दिवस कोणासाठी ठरणार सुपर लक्की? जाणून घ्या तुमची रास!

राज्यातील हवामानात मोठा बदल झाला असून, उत्तर बंगालच्या उपसागरात तयार झालेले कमी दाबाचे क्षेत्र हे पावसाला कारणीभूत ठरत आहे. ही प्रणाली पश्चिम बंगाल आणि उत्तर ओडिशाच्या दिशेने सरकत असल्याने त्याचा परिणाम थेट महाराष्ट्रातील पर्जन्यवृष्टीवर होतोय. याशिवाय, हरियाणा, बिहार, उत्तर प्रदेश, ओडिशा या भागांतून बंगालच्या उपसागरापर्यंत एक कमी दाबाचा पट्टा सक्रिय झाला आहे. तो विदर्भ आणि कोकण विभागातून खाली केरळच्या किनारपट्टीपर्यंत पोहोचत असल्याने संपूर्ण महाराष्ट्रात पावसासाठी अनुकूल वातावरण तयार झालं आहे.

कोणते जिल्हे राहणार सर्वाधिक पावसाच्या प्रभावाखाली?

हवामान खात्याच्या अंदाजानुसार, रत्नागिरी, रायगड, पुणे आणि साताऱ्याचा घाटमाथा, तसेच भंडारा, गोंदिया, चंद्रपूर आणि गडचिरोली या जिल्ह्यांमध्ये मुसळधार पावसाची शक्यता असल्याने रेड अलर्ट जारी करण्यात आला आहे. विशेषतः या भागांतील नद्या, डोंगराळ भाग व जलाशयांभोवती राहणाऱ्या नागरिकांनी सावधगिरी बाळगावी, असा इशारा देण्यात आला आहे.

याशिवाय, मुंबई, ठाणे, सिंधुदुर्ग, कोल्हापूरचा घाटमाथा, तसेच वर्धा आणि नागपूर जिल्ह्यांमध्ये जोरदार पावसाचा इशारा देत ऑरेंज अलर्ट देण्यात आलेला आहे. या भागांतील नागरिकांनी अनावश्यक प्रवास टाळावा, असे आवाहन करण्यात आले आहे.

नाशिक, पालघर, अमरावती, नांदेड, हिंगोली, सातारा, कोल्हापूर, परभणी, जालना, बुलढाणा, अकोला, वाशिम, यवतमाळ या जिल्ह्यांमध्ये विजांच्या कडकडाटासह जोरदार सरी पडण्याची शक्यता वर्तवण्यात आली असून येलो अलर्ट जारी करण्यात आला आहे.

हे पण वाचा : गुंतवणूकदारांसाठी आनंदाची बातमी! 12 शेअर्स देणार जबरदस्त परतावा – जाणून घ्या कोणते

या हवामान अंदाजाचा सर्वाधिक परिणाम शेतकऱ्यांवर होण्याची शक्यता आहे. आंबेमोहर भात, खरीप पिकं, डाळिंब, ऊस अशा पिकांसाठी ही स्थिती फायदेशीर ठरू शकते. मात्र, मुसळधार पावसामुळे काही भागांत पूरसदृश परिस्थिती, झाडांची तोडफोड, वीज पडण्याचे प्रमाण वाढू शकते. त्यामुळे नागरिकांनी योग्य ती खबरदारी घ्यावी, विद्युत खांबांपासून दूर राहावे, नद्या-नाल्यांच्या परिसरात जाऊ नये.