52 आठवड्यांच्या उच्चांकाच्या जवळ टाटा स्टील, तज्ज्ञांनी दिला ‘Buy’ रेटिंग

Tata Steel Share Price Today : भारतीय शेअर बाजारात सध्या अस्थिरतेचे वातावरण असताना देखील काही मोजक्या कंपन्या गुंतवणूकदारांचा आत्मविश्वास कायम राखत आहेत. त्यात टाटा समूहातील प्रमुख कंपनी टाटा स्टील लिमिटेड या नावाजलेल्या कंपनीचा उल्लेख करावाच लागेल. 24 जुलै 2025 रोजी बाजारात मोठी घसरण झाली असतानाही टाटा स्टीलचा शेअर चांगल्या गतीने पुढे सरकत आहे.

हे पण वाचा : पटेल इंजीनियरिंग शेअरमध्ये मोठी संधी; वाचा तज्ज्ञांचा मोठा सल्ला

गुरुवारी बीएसई सेन्सेक्स तब्बल 521 अंकांनी घसरून 82,205.61 वर बंद झाला, तर निफ्टी 143 अंकांनी घसरून 25,076.55 वर पोहोचला. बँकिंग, आयटी आणि स्मॉलकॅप निर्देशांकातही घसरण नोंदवली गेली. मात्र, या वातावरणात टाटा स्टीलच्या शेअरने 0.86% वाढ नोंदवत 164.18 रुपयांवर ट्रेड केला.

आज ट्रेडिंगच्या सुरुवातीला हा शेअर 163 रुपयांवर उघडला, दिवसभरात 164.75 रुपयांचा उच्चांक गाठला, तर 162.81 रुपयांपर्यंत घसरला. सध्या कंपनीचे मार्केट कॅप 2.04 लाख कोटी रुपयांच्या आसपास आहे.

टाटा स्टीलने गेल्या काही वर्षांत गुंतवणूकदारांना चांगले रिटर्न दिले आहेत. एका आंतरराष्ट्रीय ब्रोकिंग फर्मच्या अंदाजानुसार, या शेअरने मागील काही वर्षांत 465 टक्क्यांपर्यंत परतावा दिला आहे. त्यामुळे, या फर्मने टाटा स्टीलवर ‘बुलिश’ (सकारात्मक) दृष्टिकोन कायम ठेवत नवीन टार्गेट प्राईस जाहीर केले आहेत. गुंतवणुकीच्या दृष्टीने या शेअरमध्ये अजूनही वाढीची मोठी शक्यता असल्याचे मत तज्ज्ञ व्यक्त करत आहेत.

टाटा स्टीलची 52 आठवड्यांची उच्चांक पातळी 170.18 रुपये तर नीचांक पातळी 122.62 रुपये इतकी आहे. त्यामुळे सध्याचा दर पाहता कंपनीच्या शेअरमध्ये स्थिर आणि मजबूत वाढीची दिशा दिसत आहे.

हे पण वाचा : ‘हा’ सरकारी शेअर देईल 372% रिटर्न? तज्ज्ञांनी खरेदीसाठी दिला हिरवा सिग्नल

तज्ज्ञांचे म्हणणे आहे की, टाटा स्टीलची कार्यक्षमता, जागतिक बाजारात वाढती मागणी आणि कंपनीचा दीर्घकालीन विकासदृष्टीकोन लक्षात घेता, हे स्टॉक गुंतवणूकदारांच्या पोर्टफोलिओसाठी फायदेशीर ठरू शकते.