आज शेअर बाजार कोसळला, पण गुंतवणूकदार ‘या’ मिडकॅप शेअर्सवर फिदा!

Stock Market Update India : आजच्या ट्रेडिंग सत्रात भारतीय शेअर बाजाराची सुरुवात काहीशी संथ आणि दबावाखाली झाली. सेन्सेक्स आणि निफ्टीने सौम्य घसरण दर्शवली असली तरी, मिडकॅप आणि स्मॉलकॅप शेअर्समध्ये खरेदीचा ओघ पाहायला मिळाला. यामुळे मोठ्या कंपन्यांपेक्षा लहान व मध्यम आकाराच्या कंपन्यांवर गुंतवणूकदारांचा भरवसा अधिक असल्याचे स्पष्ट झाले.

हे पण वाचा : शेअर बाजारात मोठी संधी! अदानी विल्मरवर 37% रिटर्न देणारे तज्ज्ञांचे मत

आज सकाळी 9.20 वाजेपर्यंत बीएसई सेन्सेक्स 35 अंशांनी घसरून 82,599 अंकांवर व्यवहार करत होता, तर एनएसई निफ्टी 6 अंशांनी खाली येत 25,206 अंकांवर पोहोचला. मात्र बँक निफ्टीमध्ये तब्बल 109 अंकांची घसरण झाली आणि तो 57,067 वर ट्रेड करत होता.

मात्र मोठ्या निर्देशांकांमध्ये दबाव असतानाही मिडकॅप आणि स्मॉलकॅप शेअर्समध्ये गुंतवणूकदारांनी खरेदीचा जोर कायम ठेवला. ही बाब लार्जकॅपच्या तुलनेत मिड आणि स्मॉलकॅपमध्ये अधिक परताव्याची शक्यता असल्याचा संकेत मानली जात आहे.

आज निफ्टीमध्ये तेजीत असलेले शेअर्स म्हणजे – इंडसइंड बँक, आयशर मोटर्स, हिंडाल्को, सन फार्मा आणि ट्रेंट. दुसरीकडे, टेक महिंद्रा, HDFC लाइफ, ICICI बँक, SBI लाइफ आणि एटर्नल या शेअर्समध्ये घसरण झाली.

जागतिक बाजारांचा प्रभाव
अमेरिकेचे राष्ट्राध्यक्ष डोनाल्ड ट्रम्प यांनी भारतासोबत व्यापार करार अंतिम टप्प्यात असल्याचे जाहीर केल्यानंतर जागतिक बाजारांमध्ये सकारात्मक भावना निर्माण झाली. डाओ जोन्सने 231 अंकांची उसळी घेतली, तर नॅस्डॅक सलग तिसऱ्या दिवशी विक्रमी पातळीवर बंद झाला.

दरम्यान, ट्रम्प यांनी फेडरल रिझर्व्हचे चेअरमन जेरोम पॉवेल यांना हटवण्याचा कोणताही विचार नसल्याचं स्पष्ट केल्याने अमेरिकन गुंतवणूकदारांना दिलासा मिळाला आहे.

हे पण वाचा : जिओ फायनान्शिअल स्टॉकवर तेजीची शक्यता, तज्ज्ञांचा गुंतवणुकीचा सल्ला

परदेशी आणि देशांतर्गत गुंतवणूकदारांचे हालचाल
गेल्या सत्रात परदेशी गुंतवणूकदारांनी (FII) जवळपास ₹6,164 कोटींची विक्री केली, तर देशांतर्गत गुंतवणूकदारांनी (DII) सलग आठव्या दिवशी खरेदी कायम ठेवत ₹1,200 कोटींचे शेअर्स उचलले. यामुळे बाजारातील स्थानिक गुंतवणूकाचा आधार अधिक भक्कम असल्याचे दिसून येते.

उद्योजक आणि गुंतवणूकदारांच्या दृष्टीने आजचा दिवस संमिश्र वाटतो आहे. मुख्य निर्देशांकांमध्ये थोडीशी कमजोरी दिसत असली तरी काही क्षेत्रांत आणि निवडक शेअर्समध्ये तेजी कायम आहे.