पुण्यावरून मुंबई रिटर्न ! एकदा चार्ज केल्यावर मारुती ई विटारा किती किलोमीटर चालणार ? जाणून घ्या संपूर्ण माहिती

Maruti New SUV | भारतीय ऑटो क्षेत्रात मारुती सुझुकीने आपले वर्चस्व दीर्घकाळ टिकवून ठेवले आहे. विविध श्रेणीत यशस्वी मॉडेल्स सादर करून कंपनीने ग्राहकांच्या मनात आपली खास जागा निर्माण केली आहे. परंतु, कंपनीने 2025 मध्ये एक वेगळाच टप्पा गाठण्याचा निर्णय घेतला असून कंपनी आपली पहिली पूर्णपणे इलेक्ट्रिक एसयूव्ही – मारुती ई विटारा – सादर करत आहे.

Auto Expo 2025 मध्ये या गाडीचे पहिले दर्शन घडले आणि आता ही गाडी जून 2025 च्या अखेरीस बाजारात येणार असल्याचे स्पष्ट झाले आहे. याच वर्षी ही एकमेव नवीन मारुती एसयूव्ही असल्यामुळे तिच्याकडे सर्वांचे लक्ष लागले आहे.

ई विटारा ही फक्त नवी कार नाही, तर ती एक ग्राउंड-अप इलेक्ट्रिक व्हेईकल आहे. ही कार पूर्णपणे नवीन प्लॅटफॉर्मवर तयार करण्यात आली आहे आणि तिच्यामध्ये नव्या प्रकारचे पॉवरट्रेन यंत्रणा वापरण्यात आली आहे. यामुळे ती फक्त पारंपरिक कारपेक्षा वेगळीच नव्हे, तर एक फ्युचरिस्टिक पर्याय म्हणूनही समोर येते.

फीचर्स जाणून घ्या-

मारुती ई विटारामध्ये अनेक प्रगत वैशिष्ट्ये असतील. यात 10.25-इंच टचस्क्रीन, डिजिटल इन्स्ट्रुमेंट क्लस्टर, अँबियंट लाइटिंग, पॅनोरॅमिक सनरूफ, वायरलेस चार्जिंग, इलेक्ट्रिकली अ‍ॅडजस्ट होणाऱ्या सीट्स आणि Level 2 ADAS यांसारखी फीचर्स दिली जाणार आहेत. आतील भागात लेदरेट अपहोल्स्ट्री, अधिक आरामदायी आणि शांत केबिनचा अनुभव मिळणार आहे.

पॉवरट्रेनच्या बाबतीत ई विटारामध्ये 2 बॅटरी पॅक पर्याय असतील – 49 kWh आणि 61 kWh. 49 kWh बॅटरी पॅकमध्ये FWD सिंगल मोटर सेटअप असून तो 144 bhp पॉवर आणि 189 Nm टॉर्क जनरेट करतो.

61 kWh बॅटरीमध्ये सिंगल मोटर FWD सेटअप 172 bhp आणि 192.5 Nm टॉर्क देते, तर ड्युअल मोटर AWD सेटअप 184 bhp आणि 300 Nm टॉर्क जनरेट करतो. मोठ्या बॅटरीसह 500 किमीच्या रेंजची शक्यता असून, ही ईव्ही बाजारात मोठा गेमचेंजर ठरू शकते.

किंमत किती?

ई विटाराची किंमत सुमारे 25 लाख (ऑन-रोड, मुंबई) असण्याची शक्यता आहे. ही किंमत जरी प्रीमियम वाटत असली, तरी मिळणाऱ्या फिचर्स आणि ब्रँड व्हॅल्यूच्या तुलनेत ती आकर्षक मानली जात आहे. ही कार केवळ एक इलेक्ट्रिक पर्याय नाही, तर मारुतीच्या भविष्याची एक झलक असल्याचे म्हटले जात आहे.