पुणे विमानतळावर प्रवासी संख्येत विक्रमी वाढ, दररोज ३०,००० हून अधिक प्रवासी

पुणे- पुण्याच्या लोहगाव आंतरराष्ट्रीय विमानतळावर उन्हाळी हंगाम सुरू झालाय. यासाठी विमानांच्या वेळा म्हणजेच स्लॉट्स उपलब्ध झाली आहेत.

यंदाच्या उन्हाळी हंगामात नव्या ठिकाणांसाठी विमानसेवा सुरू झालेली नाही, पण तरीही प्रवाशांची संख्या वाढतेय. गेल्या वेळी मिळालेल्या १०९ स्लॉटपैकी सध्या दररोज १०४ विमानांची उड्डाणं होत आहेत. नव्या टर्मिनलमुळे सोयी वाढल्याने प्रवास करणाऱ्यांची संख्या तब्बल ११ टक्क्यांनी वाढलीय.

लोहगाव विमानतळाला उन्हाळी हंगामासाठी १०९ स्लॉट्स मिळाली आहेत, त्यापैकी १०४ स्लॉट्सचा वापर होतोय. पुण्यातून सर्वाधिक विमानं दिल्लीला उड्डाण करतात.

दररोज २०हून जास्त उड्डाणं दिल्लीसाठी निघतात आणि तेवढीच पुण्याला येतात. पुण्यातून आंतरराष्ट्रीय प्रवासासाठी बरेच लोक दिल्लीमार्गे जातात, त्यामुळे दिल्लीच्या उड्डाणांना जास्त मागणी आहे. त्याखालोखाल बंगळुरूला दररोज १५ उड्डाणं होतात आणि तितकीच बंगळुरूहून पुण्याला येतात.

पुणे आणि बंगळुरू ही आयटी शहरं असल्यामुळे कामानिमित्त प्रवास करणारे बरेच आहेत. विमान कंपन्यांना स्लॉट्सचा जास्तीत जास्त वापर करण्यास सांगितलंय, त्यामुळे प्रवाशांना थोडा दिलासा मिळालाय.

सध्या पुण्यातून ३६ शहरांसाठी विमानसेवा आहे, त्यात तीन आंतरराष्ट्रीय सेवांचाही समावेश आहे. सिंगापूर, बँकॉक आणि दुबई या ठिकाणी पुण्यातून थेट विमानं जातात.

दुबईसाठी तर दोन विमानसेवा उपलब्ध आहेत. उन्हाळी हंगामात आंतरराष्ट्रीय आणि देशांतर्गत विमानांची संख्या वाढेल, अशी आशा होती, पण तसं काही झालेलं नाही. तरीही नव्या टर्मिनलमुळे प्रवाशांची संख्या वाढतेय. आता दररोज ३० हजारांहून जास्त लोक पुणे विमानतळावरून प्रवास करतायत.

नवं टर्मिनल सुरू झाल्यापासून प्रवाशांच्या सोयी वाढल्याचं दिसतंय. त्यामुळे दिवसेंदिवस प्रवास करणाऱ्यांचा आकडा वर जातोय. ११ टक्क्यांची ही वाढ प्रवाशांसाठी दिलासादायक आहे.

१०९ स्लॉट्समुळे पुण्यातून देशातल्या ३६ ठिकाणी आणि परदेशातल्या तीन ठिकाणी प्रवासाची सोय आहे. याचा फायदा पुणेकरांना नक्कीच होतोय. पुढेही ही संख्या वाढेल, अशी अपेक्षा आहे.