फक्त ₹15 मध्ये हा पेनी स्टॉक! 17% रिटर्नची संधी, तज्ञांचं लक्ष ‘या’ शेअरवर

RattanIndia Power stock : शेअर बाजारातील गुंतवणूकदारांच्या नजरा सध्या एका अत्यंत स्वस्त, पण दमदार परतावा देणाऱ्या स्टॉककडे वळल्या आहेत — रतन इंडिया पॉवर लिमिटेड. मंगळवारी, 15 जुलै 2025 रोजी, कंपनीचा शेअर 15.78 रुपयांवर ट्रेड करत असताना ‘डालाल स्ट्रीट’ वरील विश्लेषकांनी या स्टॉकसाठी 18.50 रुपयांचा टार्गेट प्राईस जाहीर केला आहे. म्हणजेच सुमारे 17% इतकी वाढ होण्याची शक्यता तज्ज्ञ व्यक्त करत आहेत.

हे पण वाचा : बाबा वेंगाचे जगाला हादरवणारे भाकीत! असा विषाणू येणार की….

आजच्या व्यवहारात रतन इंडिया पॉवरने दिवसभरात 15.65 ते 16.28 रुपयांच्या दरम्यान चढउतार केली. सकाळी मार्केट ओपन होताच हा स्टॉक 15.92 रुपयांवर उघडला, पण दिवसाअखेरीस किंचित घसरून 15.78 रुपयांवर स्थिरावला. तरीही अल्पकालीन घसरणीचा विचार न करता, दीर्घकालीन परताव्याकडे पाहणाऱ्या गुंतवणूकदारांसाठी हा शेअर आकर्षणाचं केंद्रबिंदू ठरत आहे.

रतन इंडिया पॉवरचा गेल्या ५ वर्षांतील परतावा बघितला, तर तो थक्क करणारा आहे. या काळात या स्टॉकने तब्बल 618% इतका प्रचंड परतावा दिला आहे. गेल्या ३ वर्षांतही त्याने 327% ची भरघोस कामगिरी केली आहे. मात्र, मागील एका वर्षात या शेअरने किंचित घसरण नोंदवली असून तो -2.53% इतका खाली गेला आहे. तरीही सध्याच्या भावांमध्ये गुंतवणूक करणाऱ्यांसाठी भविष्यातील संधी मोठी असल्याचं तज्ज्ञांचं म्हणणं आहे.

आजच्या सेन्सेक्स आणि निफ्टीच्या व्यवहारातही तेजीचं वातावरण होतं. बीएसई सेन्सेक्स 333 अंकांनी वधारून 82586 वर पोहोचला, तर निफ्टीने 107 अंकांची झेप घेत 25189 वर पोहोचला. या चढत्या बाजारात स्मॉलकॅप शेअर्सना विशेष लक्ष मिळालं आणि रतन इंडिया पॉवर याही लाटेचा भाग ठरला.

हे पण वाचा : डॉली चायवालाचा मोठा निर्णय! ‘या’ पद्धतीने वाढवणार अजून मोठा भारतभर बिझनेस

रतन इंडिया पॉवर ही कंपनी मुख्यत्वेकरून थर्मल पॉवर जनरेशनमध्ये कार्यरत आहे. भविष्यात हरित उर्जेच्या क्षेत्रात उतरण्याचे संकेत कंपनीने याआधी दिले आहेत. त्यामुळे लवकरच या स्टॉकमध्ये आणखी हालचाल होण्याची शक्यता आहे.

15 रुपयांच्या आसपास उपलब्ध असलेला हा ‘पेनी स्टॉक’ वाटला तरी त्यात दम आहे. बाजारातील बदल, कंपनीच्या पातळीवरील हालचाली आणि गुंतवणूकदारांचा कल पाहता, हे शेअर भविष्यात चांगला परतावा देऊ शकतो. मात्र कोणतीही गुंतवणूक करताना स्वतःचा अभ्यास करूनच निर्णय घ्यावा, हा गुंतवणुकीतील सर्वात महत्त्वाचा नियम आहे.