२५ वर्षांनी झी मराठीवर कमबॅक! ‘ही’ अभिनेत्री पुन्हा मालिका गाजवण्यासाठी सज्ज

Niyati Rajwade Comeback : मराठी मालिकांच्या दुनियेत झी मराठीने आजवर अनेक लोकप्रिय अभिनेत्रींचे करिअर घडवले. अनेक नवोदित चेहऱ्यांना घराघरात पोहोचवणाऱ्या या चॅनलने नक्कीच एक विशिष्ट स्थान निर्माण केलं आहे. अशाच झी मराठीवरील एका जुन्या आणि लोकप्रिय अभिनेत्रीचा तब्बल २५ वर्षांनी पुनरागमन होत आहे. ही अभिनेत्री म्हणजे नियती राजवाडे. त्यांच्या कमबॅकमुळे प्रेक्षकांमध्ये प्रचंड उत्सुकता निर्माण झाली असून सोशल मीडियावरही चर्चेला उधाण आलं आहे.

हे पण वाचा : गुरू-शुक्र संयोगाचा जबरदस्त फायदा! ‘या’ तीन राशींना दुप्पट धनलाभ होणार; वाचा कोणत्या त्या राशी?

नियती राजवाडे झी मराठीवरील नव्या मालिकेत झळकणार असून या मालिकेचं नाव आहे ‘जगद्धात्री’. या मालिकेत सध्या प्रसिद्ध होत असलेली अभिनेत्री शिवानी सोनार मुख्य भूमिकेत असणार आहे. मात्र नियती राजवाडे कोणत्या भूमिकेत झळकणार याबाबत अद्याप अधिकृत माहिती समोर आलेली नाही. त्यामुळेच त्यांचं पात्र आणि त्याचं कथानकातलं महत्त्व याबद्दल प्रेक्षकांमध्ये कुतूहल निर्माण झालं आहे.

नियती राजवाडे या नावाने ९०च्या दशकात झी मराठीसह इतर चॅनल्सवरही विशेष लोकप्रियता मिळवलेली आहे. त्यांच्या अभिनयातली सहजता, हास्यविनोदातला नैसर्गिक ओघ आणि ठाम संवादफेक यामुळे त्या प्रेक्षकांच्या मनात घर करून राहिल्या. ‘नो प्रॉब्लेम’, ‘लबाड कुठली’, ‘लंडनचा जावई’ यांसारख्या विनोदी चित्रपटांतून त्यांनी मोठ्या पडद्यावरही ठसा उमठवला.

त्याचबरोबर ‘फू बाई फू’, ‘कॉमेडी एक्सप्रेस’ या हास्यप्रधान कार्यक्रमांमध्येही त्यांनी आपली बहारदार उपस्थिती नोंदवली होती. विशेषतः त्यांचा टायमिंगवर आधारित विनोद हा अनेक प्रेक्षकांसाठी लक्षवेधी ठरला होता. ‘लेक माझी दुर्गा’ या मालिकेतील त्यांचं सशक्त साकारलेलं पात्र आजही प्रेक्षक विसरलेले नाहीत.

हे पण वाचा : सावधान! आजपासून पावसाचा जोर वाढणार! महाराष्ट्राच्या ‘या’ भागांना रेड-ऑरेंज अलर्ट

२५ वर्षांनी नियती पुन्हा एकदा झी मराठीच्या पडद्यावर झळकणार, ही बातमी एक प्रकारचा नॉस्टॅल्जिक अनुभव देणारी आहे. जुने प्रेक्षक त्या काळच्या आठवणीत रमले आहेत, तर नव्या पिढीला त्यांच्या अभिनयाची ओळख होणार आहे. झी मराठीनेही ही मोठी ‘कमबॅक’ संधी एक भक्कम कथानकातून साकारण्याची तयारी केली आहे, अशी माहिती मिळते.

सध्या मालिकेच्या प्रसारणाची तारीख जाहीर करण्यात आलेली नसली, तरी लवकरच ही माहिती अधिकृतपणे झी मराठीकडून दिली जाणार आहे. प्रेक्षक, चाहत्यांपासून ते टीव्ही विश्लेषकांपर्यंत सर्वांची नजर आता ‘जगद्धात्री’ मालिकेकडे लागून आहे.