पुण्यातील प्रसिद्ध गुडलक कॅफेत बनमस्का खाताय? तर मग आधी ही बातमी वाचा, माहिती वाचुन तुम्हीही व्हाल थक्क

Good Luck Cafe Pune : पुणे – शहरातील लोकप्रिय गुडलक कॅफेमध्ये घडलेली अघोषित घटना सध्या चर्चेचा विषय ठरत आहे. बन मस्का खाण्यास आलेल्या एका ग्राहकाच्या तोंडात थेट काचेचा तुकडा गेला आणि एकच खळबळ उडाली. खाद्यप्रेमी पुणेकरांचा आवडता अड्डा असलेल्या या ठिकाणी ग्राहकांच्या आरोग्याशी खेळ केला गेल्याने नाराजीचा सूर तीव्र झाला आहे. ही घटना केवळ सोशल मीडियावर व्हायरल झाली नाही, तर अन्न सुरक्षा यंत्रणाही आता तपासाच्या तयारीत आहे.

हे पण वाचा : पुणे पोलिसांचा ऐतिहासिक निर्णय! यंदा ढोल-ताशावर कोणताही गुन्हा दाखल होणार नाही, पण….

आकाश जलगी हे आपल्या पत्नीबरोबर गुडलक कॅफेमध्ये नेहमीप्रमाणे बन मस्का खाण्यासाठी गेले होते. बन खात असताना अचानक त्यांच्या तोंडात काहीतरी कडक लागलं. सुरुवातीला त्यांनी ते बर्फाचा तुकडा समजून दुर्लक्ष केलं, पण नंतर तो काचेचा तुकडा असल्याचं लक्षात आलं. सुदैवाने गंभीर इजा झाली नाही, मात्र यामुळे आरोग्याचा मोठा धोका टळला, असं जलगी यांनी स्पष्ट केलं.

घटनेनंतर जलगी यांनी तातडीने कॅफे व्यवस्थापनाला या प्रकाराची कल्पना दिली. कॅफे मालकांनी तात्काळ क्षमा मागत बिल माफ केलं, मात्र ग्राहकांच्या दृष्टीने ही केवळ औपचारिक कारवाई होती. “चुकून तो तुकडा गिळला गेला असता तर काय?”, असा गंभीर सवाल जलगी यांनी उपस्थित केला. त्यांनी थेट अन्न व औषध प्रशासनाकडे (FDA) ऑनलाईन तक्रारही दाखल केली आहे.

या प्रकरणावर प्रतिक्रिया देताना गुडलक कॅफेच्या व्यवस्थापनाने स्पष्ट केलं की बन बाहेरून आणले जातात. त्यामुळे बनातील काचेचा तुकडा ही त्यांची चूक नसून पुरवठादाराकडून चुक झाली असावी, असं त्यांनी सांगितलं. मात्र पुरवठादाराला दोष देऊन कॅफे आपली जबाबदारी झटकत असल्याचं चित्र यामुळे दिसून आलं.

तज्ज्ञांच्या मते, अन्न सुरक्षा कायद्यानुसार ग्राहकांच्या आरोग्याशी खेळ करणाऱ्या कोणत्याही घटकांवर कठोर कारवाई होऊ शकते. या घटनेतही FDA चौकशी करेल अशी शक्यता आहे. नामांकित आणि बहुचर्चित कॅफेमधील अशा गंभीर चुकांमुळे ग्राहकांचा विश्वास डळमळीत होण्याची चिन्हं दिसत आहेत.

हे पण वाचा : गुरुवार पेठेसह पुण्यातील ‘या’ ठिकाणच अनधिकृत बांधकामं पाडणार! सरकारचा मोठा निर्णय

पुण्यात गेल्या काही वर्षांमध्ये अशा प्रकारच्या घटना वारंवार घडत असून, अन्नपदार्थांच्या गुणवत्तेबाबत गंभीर प्रश्न निर्माण होत आहेत. नागरिकांनी अशा त्रुटी दिसताच तक्रार नोंदवावी आणि आपला आवाज उठवावा, असं अन्न तज्ज्ञांचंही मत आहे.