550 KM रेंज आणि 180 KM टॉप स्पीडसह Skoda Elroq RS मार्केटमध्ये दाखल

Electric SUV : युरोपमधील प्रसिद्ध वाहन निर्माता Skoda ने आपली नवीन इलेक्ट्रिक SUV Skoda Elroq RS अधिकृतपणे सादर केली आहे. ही नवीन इलेक्ट्रिक कार दमदार बॅटरी, पॉवरफुल मोटर आणि अत्याधुनिक फीचर्ससह बाजारात दाखल झाली आहे. इलेक्ट्रिक वाहनांची मागणी वाढत असताना Skoda ने आपल्या पोर्टफोलिओमध्ये एक नवीन आणि अधिक ताकदवान SUV जोडली आहे.

ही SUV विशेषतः उच्च श्रेणीच्या इलेक्ट्रिक वाहनांमध्ये गणली जाणार आहे, कारण ती एका चार्जमध्ये 550 किलोमीटरपर्यंत धावू शकते. कंपनीने या SUV मध्ये पॉवरफुल ड्युअल मोटर सेटअप दिला आहे, जो तीव्र गती आणि उत्तम ड्रायव्हिंग अनुभव देतो. तसेच, प्रीमियम इंटिरियर आणि उत्कृष्ट सेफ्टी फीचर्समुळे ही कार ग्राहकांसाठी आकर्षणाचा केंद्रबिंदू ठरणार आहे.

Skoda Elroq RS चे दमदार फीचर्स

Skoda Elroq RS मध्ये आधुनिक तंत्रज्ञानाचा वापर करून प्रीमियम फीचर्स दिले आहेत. यामध्ये 21-इंच अलॉय व्हील्स, रेड-पेंट ब्रेक कॅलिपर्स, लो-स्पीड साउंड अलर्ट, LED मॅट्रिक्स हेडलाइट्स, LED DRLs, ग्लॉसी ब्लॅक रूफ रेल्स, थ्री-स्पोक स्टीअरिंग व्हील आणि इलेक्ट्रिकली अॅडजस्टेबल सीट्स देण्यात आल्या आहेत.

SUV च्या इंटिरियरमध्ये डार्क थीम असलेले अपहोल्स्ट्री आणि स्पोर्टी फिनिश देण्यात आले आहे. तसेच, 5-इंच डिजिटल इन्स्ट्रुमेंट क्लस्टर आणि 13-इंच इन्फोटेनमेंट सिस्टमसह प्रीमियम अनुभव मिळतो. मोठ्या बूट स्पेसमुळे लॉन्ग ड्राइव्हसाठीही ही कार उत्तम पर्याय आहे.

पॉवरफुल बॅटरी आणि उत्कृष्ट परफॉर्मन्स

Skoda Elroq RS मध्ये 84 kWh क्षमतेची मोठी बॅटरी आहे, जी एका चार्जमध्ये 550 किलोमीटरची रेंज देते. ही इलेक्ट्रिक SUV ड्युअल मोटर ऑल-व्हील ड्राइव्ह सिस्टमसह येते, ज्यामुळे ती जास्तीत जास्त 250 kW (335 HP) पॉवर निर्माण करते.

ही कार अवघ्या 5.4 सेकंदात 0-100 km/h वेग पकडते. तिची टॉप स्पीड 180 km/h आहे, जी ती स्पोर्टी SUV कॅटेगरीमध्ये बसवते. याशिवाय, DC फास्ट चार्जिंग सपोर्टमुळे ही कार केवळ 26 मिनिटांत 10 ते 80% चार्ज होते, तर AC चार्जिंगद्वारे पूर्ण चार्ज होण्यासाठी 8 तास लागतात.

भारतामध्ये लॉन्च होण्याची शक्यता

सध्या Skoda ने ही SUV जागतिक बाजारपेठेसाठी सादर केली आहे आणि लवकरच काही निवडक देशांमध्ये ती विक्रीसाठी उपलब्ध होणार आहे. मात्र, भारतात लॉन्च होणार की नाही, याबाबत Skoda ने कोणतीही अधिकृत घोषणा केलेली नाही.

ही कार 8 ते 13 एप्रिल 2025 दरम्यान इटलीच्या मिलानमध्ये होणाऱ्या डिजाईन वीकमध्ये अधिकृतपणे सादर केली जाईल. त्यामुळे भारतात लॉन्च होण्याबाबत माहिती मिळवण्यासाठी थोडी प्रतीक्षा करावी लागेल.