केवळ २ लाखांत ह्युंदाई क्रेटा! बघा EMI किती येतो आणि कोणता व्हेरिएंट बेस्ट आहे?

Hyundai Creta EMI : देशात SUV वाहनांच्या वाढत्या लोकप्रियतेमध्ये ह्युंदाई क्रेटा हे नाव आघाडीवर आहे. डिझाइन, परफॉर्मन्स आणि फीचर्समुळे क्रेटा ही कार शहरी तसेच ग्रामीण भागातील ग्राहकांमध्ये मोठ्या प्रमाणावर पसंत केली जाते. विशेष म्हणजे, केवळ ₹2 लाखांच्या डाउन पेमेंटवर ही कार घरी नेण्याचा पर्याय उपलब्ध असल्याने अनेक खरेदीदारांचा कल आता फायनान्सद्वारे क्रेटा घेण्याकडे वाढतोय.

हे पण वाचा : शांती गोल्डच्या IPO ला जबरदस्त सुरूवात! मोठ्या गुंतवणूकदारांनी दाखवला विश्वास

जर तुम्ही नवीन गाडी घेण्याचा विचार करत असाल आणि तुमचे बजेट मर्यादित असेल, तर क्रेटाचे विविध मॉडेल्स आणि त्यावर मिळणारे फायनान्स पर्याय तुम्हाला उपयोगी पडू शकतात. ह्युंदाई क्रेटाची किंमत ₹11.11 लाख (एक्स-शोरूम) पासून सुरू होते आणि ₹13.54 लाखांपर्यंत जाते. या व्हेरियंट्समध्ये 1.5 लीटर पेट्रोल आणि डिझेल इंजिन मिळते, जे अनुक्रमे 17.4 किमी/लीटर ते 21.8 किमी/लीटर इंधन कार्यक्षमतेसह येतात.

क्रेटा ई पेट्रोल व्हेरियंट घेतल्यास त्याची ऑन-रोड किंमत सुमारे ₹12.90 लाखांपर्यंत जाते. जर तुम्ही ₹2 लाखांचे डाउन पेमेंट करता, तर उर्वरित रक्कम कार लोनद्वारे भरावी लागते. 5 वर्षांच्या कालावधीसाठी, 10% व्याज दराने तुमचा मासिक हप्ता सुमारे ₹23,179 इतका येतो. पूर्ण मुदतीत सुमारे ₹3 लाख व्याजही द्यावे लागते.

तसेच, क्रेटा EX, EX (O) आणि S व्हेरियंट्ससाठी EMI अनुक्रमे ₹26,116, ₹28,246 आणि ₹29,057 पर्यंत वाढतो. डिझेल पर्याय पाहिल्यास, क्रेटा ई डिझेल मॅन्युअलच्या कर्जाची EMI सुमारे ₹27,674 इतकी भरेल.

क्रेटाच्या कोणत्याही मॉडेलसाठी 2 लाखांचे डाउन पेमेंट केल्यास EMI सुमारे ₹23 हजार ते ₹29 हजारांच्या दरम्यान राहते. साहजिकच, ज्यांच्याकडे एकरकमी रक्कम नाही, पण नियमित उत्पन्न आहे, त्यांच्यासाठी ही SUV एक आकर्षक पर्याय ठरते.

हे पण वाचा : बाजारात पुन्हा विश्वासाचे वारे! आज कोणते शेअर्स झळकले? वाचा संपूर्ण रिपोर्ट

ह्युंदाई क्रेटाची लोकप्रियता केवळ तिच्या दमदार लुकमुळेच नाही, तर त्याच्या आधुनिक फीचर्स, विश्वासार्ह इंजिन आणि आरामदायक प्रवासामुळे आहे. अनेक घरांमध्ये ही SUV आता केवळ स्वप्न राहिलेली नसून, फायनान्सच्या माध्यमातून ती सहज वास्तवात उतरते आहे.