‘या’ सरकारी शेअरमध्ये प्रचंड घसरण! तुमचे पैसे सुरक्षित आहेत का?

RVNL Share Price Today : रेल्वे क्षेत्राशी निगडित असलेल्या रेल विकास निगम लिमिटेड (RVNL) या सार्वजनिक क्षेत्रातील कंपनीचा शेअर मागील काही महिन्यांपासून चढ-उताराचा सामना करत आहे. एकेकाळी 600 रुपयांचा उच्चांक गाठणाऱ्या या स्टॉकने सध्या 350 रुपयांच्या आसपासची पातळी गाठली आहे. त्यामुळे गुंतवणूकदारांमध्ये संभ्रम निर्माण झाला असून ‘BUY’ करायचा की ‘SELL’, असा प्रश्न अनेकांना सतावत आहे.

हे पण वाचा : 1.57 रुपयांवर ट्रेड करणाऱ्या ‘या’ पेनी स्टॉकमध्ये अजून ताकद आहे का? 109% रिटर्ननंतर ‘Hold की Sell?

मंगळवार, 29 जुलै 2025 रोजी शेअर बाजारात नकारात्मक वातावरण दिसून आले. बीएसई सेन्सेक्स 164 अंकांनी घसरून 80,726 वर पोहोचला, तर निफ्टी 28 अंकांनी घसरून 24,651 वर बंद झाला. या पडझडीत RVNL चाही सहभाग होता. कंपनीचा शेअर 0.42 टक्क्यांनी घसरून 352.95 रुपयांवर ट्रेड करत होता.

आजच्या ट्रेडिंगमध्ये RVNL ने 358.45 रुपयांपर्यंतचा उच्चांक गाठला होता, तर निचांकी स्तर 352 रुपयांवर नोंदवण्यात आला. गेल्या 52 आठवड्यांच्या तुलनेत पाहता, या स्टॉकने 626.8 रुपयांचा उच्चांक गाठला होता, तर नीचांकी पातळी 305 रुपये होती. म्हणजेच, वर्षभरात तब्बल 43 टक्क्यांची घसरण नोंदली गेली आहे.

कंपनीचे एकूण मार्केट कॅप सध्या सुमारे 73,737 कोटी रुपये इतके आहे. सरकारी पातळीवर रेल्वे प्रकल्प आणि पायाभूत सुविधा क्षेत्रात भरीव गुंतवणूक होणार असल्यामुळे या कंपनीची संभाव्यता दीर्घकालीन गुंतवणुकीसाठी निश्चितच आशादायक मानली जात आहे. मात्र सध्या शेअरमध्ये मंदीचे वातावरण असल्यामुळे अल्पकालीन गुंतवणूकदारांनी सावधगिरी बाळगावी, असा तज्ज्ञांचा सल्ला आहे.

हे पण वाचा : अदानी पॉवर शेअर पुन्हा जोमात! 1500% नफ्यानंतर अजून वाढीचा इशारा

तज्ज्ञ काय म्हणतात?
बाजार विश्लेषकांच्या मते, RVNL चा स्टॉक सध्या ‘ओव्हरसोल्ड झोन’मध्ये आहे. म्हणजेच, शेअरचे मूल्य कंपनीच्या वास्तव मूल्याच्या तुलनेत सध्या खालच्या पातळीवर असल्याची शक्यता आहे. काही तज्ज्ञांनी 12 महिन्यांसाठी टार्गेट 410 ते 450 रुपये असे दिले असून, सध्याच्या दराने गुंतवणूक केल्यास चांगला परतावा मिळण्याची शक्यता वर्तवली जात आहे.