MHADA Lottery 2025 : फक्त 5 लाखात घर म्हाडाची नवी लॉटरी योजना, पुणे-मुंबई-नागपूरमध्ये सुवर्णसंधी!

स्वतःचे घर असावे हे प्रत्येक सामान्य नागरिकाचे स्वप्न असते. याच स्वप्नपूर्तीसाठी महाराष्ट्र गृहनिर्माण व क्षेत्र विकास प्राधिकरण अर्थात म्हाडा पुन्हा एकदा एक मोठी योजना घेऊन येत आहे. मुंबईसह पुणे, नागपूर, नाशिक आणि छत्रपती संभाजीनगर या पाच शहरांमध्ये हजारो परवडणाऱ्या घरांसाठी बंपर लॉटरी जाहीर होणार असून, राज्यभरातील नागरिकांना घर घेण्याची सुवर्णसंधी मिळणार आहे.

मुंबईत ५,१९९ नवीन घरांचे बांधकाम

मुंबई शहरातील वाढती घरांची मागणी आणि प्रचंड मालमत्तेच्या किमती लक्षात घेता, म्हाडाने 2025-26 या आर्थिक वर्षात मुंबईत एकूण ५,१९९ घरांचे बांधकाम करण्याचा निर्णय घेतला आहे. यासाठी एकूण ५,७४९.४९ कोटी रुपये खर्च करण्यात येणार असून, या घरांची किंमत सामान्य कुटुंबांना परवडेल अशा पद्धतीने निश्चित करण्यात येणार आहे. मुंबईतील प्रकल्प अधिक वेगाने पूर्ण व्हावेत यासाठी अर्थसंकल्पातून सर्वाधिक निधी मुंबई मंडळासाठी वितरित करण्यात आला आहे.

हे पण वाचा :  पुणेकरांसाठी महत्वाची बातमी! या दिवशी पुण्यातील पाणी पुरवठा राहणार बंद!

कोकण मंडळात ९,९०२ घरे

मुंबईबरोबरच ठाणे, कल्याण, डोंबिवली, मीरा रोड, विरार अशा परिसरातही नागरिकांना घर मिळावे यासाठी म्हाडाच्या कोकण मंडळाने 2025-26 मध्ये ९,९०२ घरांचे लक्ष्य ठेवले आहे. या घरांसाठी १४०.८५ कोटी रुपयांची तरतूद करण्यात आली आहे. गगनाला भिडणाऱ्या मालमत्तांच्या किमतीच्या तुलनेत ही घरे सामान्य नागरिकांना स्वप्नवत वाटू शकतात. कोकण विभागातील घरांचे स्थानिक नागरी सुविधा व दळणवळणाच्या दृष्टीनेही चांगले नियोजन केले गेले आहे.

नाशिक, पुणे, नागपूर, संभाजी नगरमध्येही घरांची निर्मिती

म्हाडाच्या या योजनेचा लाभ फक्त मुंबईपुरता मर्यादित न राहता, संपूर्ण महाराष्ट्रातील विविध भागांमध्येही पोहोचणार आहे. विशेषतः नाशिक, पुणे, नागपूर आणि छत्रपती संभाजीनगर या शहरे म्हाडाच्या नवीन घर बांधणी योजनेमध्ये समाविष्ट आहेत. अर्थसंकल्पात राज्यभरात एकूण १९,४९७ घरे बांधण्याचे उद्दिष्ट निश्चित करण्यात आले आहे. त्यामुळे लवकरच या शहरांमध्येही म्हाडाची लॉटरी जाहीर होण्याची शक्यता आहे.

हे पण वाचा : पुण्यात खळबळ! होणाऱ्या नवऱ्याचा काटा काढण्यासाठी तरुणीने दिली दीड लाख रूपयांची सुपारी

मुंबईतील प्रकल्पांना प्राधान्य

मुंबईत घरांची मागणी आणि स्थानिक अडचणी लक्षात घेता, म्हाडाने अर्थसंकल्पातून अनेक महत्वाचे प्रकल्प सुरू केले आहेत. सर्वाधिक म्हणजे बीडीडी चाळ पुनर्विकास प्रकल्पासाठी २८०० कोटी रुपयांची तरतूद करण्यात आली आहे. याशिवाय जोगेश्वरीतील पीएमजीपी कॉलनीसाठी ३५० कोटी, वांद्रे पेरिफेरी बेसाठी २०५ कोटी, गोरेगाव सिद्धार्थनगरसाठी ५७३ कोटी, मालवणी झोपडपट्टी सुधार प्रकल्पासाठी ५० कोटी, गिरणी कामगारांसाठी ५७.५० कोटी रुपये देण्यात आले आहेत. विविध वसतिगृह, पुनर्विकास, उद्यान आणि झोपडपट्टी क्षेत्रांसाठी एकूण काहीशे कोटी रुपयांची गुंतवणूक या अर्थसंकल्पातून प्रस्तावित करण्यात आली आहे.

राज्यभरासाठी लॉटरी संधी

म्हाडाने 2024-25 आणि 2025-26 साठी अनुक्रमे 10,901.07 कोटी आणि 15,951.23 कोटी रुपयांचे अर्थसंकल्प सादर केले आहेत. या दोन वर्षांसाठी एकूण 26,852.30 कोटी रुपयांच्या गुंतवणुकीला मंजुरी देण्यात आली आहे. या गुंतवणुकीच्या माध्यमातून विविध प्रकल्प, घरे आणि नागरी सुविधा निर्माण होतील, तसेच हजारो कुटुंबांना परवडणाऱ्या घरांचा लाभ मिळणार आहे.

या योजनेंतर्गत लवकरच म्हाडा बंपर लॉटरी जाहीर होणार आहे. त्यामुळे ज्यांना स्वतःचे घर हवे आहे, त्यांनी याकडे लक्ष ठेवणे गरजेचे आहे. ही योजना सामान्य नागरिकांसाठी मोठी संधी ठरणार असून, घराच्या स्वप्नाला मूर्त स्वरूप देण्याचा एक उत्तम मार्ग ठरणार आहे.

हे पण वाचा : पुणे विमानतळावर प्रवासी संख्येत विक्रमी वाढ, दररोज ३०,००० हून अधिक प्रवासी