Pune Ring Road: पुणेकरांसाठी खुशखबर! आता रिंगरोड थेट रेल्वे नेटवर्कशी जोडला जाणार… अजित पवारांची घोषणा

Pune Ring Road:- पुणे शहरात सध्या वाहतूक कोंडी, वाढती लोकसंख्या आणि औद्योगिक वाढीमुळे निर्माण झालेली गुंतागुंत ही मोठी समस्या ठरू लागली आहे. यावर उपाय म्हणून महाराष्ट्राचे उपमुख्यमंत्री अजित पवार यांनी महत्त्वपूर्ण पाऊल उचलले आहे. भोसरी येथे आयोजित सभेत त्यांनी पुणे रिंगरोड प्रकल्पाला रेल्वे नेटवर्कशी जोडण्याची घोषणा केली. या निर्णयामुळे केवळ शहरातील वाहतूकच सुसाट होणार नाही, तर औद्योगिक क्षेत्रातही मोठा बदल होणार आहे.

काय म्हटले उपमुख्यमंत्री अजित पवार?

अजित पवार यांनी सांगितले की, पुण्याच्या बाहेरील रिंगरोड हा प्रकल्प आता एका स्वतंत्र रेल्वे मार्गाशी जोडण्यात येणार आहे. हा मार्ग तळेगाव दाभाडेपासून सुरू होऊन चाकण आणि रांजणगाव मार्गे उरुळी कांचनपर्यंत जाणार आहे. हा नवीन रेल्वे मार्ग तयार करण्यामागचा उद्देश म्हणजे पुणे रेल्वे जंक्शनवरील वाढता भार कमी करणे आणि मोठ्या प्रमाणावर होणारी मालवाहतूक शहरात न आणता थेट बाहेरील मार्गाने वळवणे. सध्या शहरात मालवाहतूक करणाऱ्या वाहनांमुळे मुख्य रस्त्यांवर तासनतास वाहतूक ठप्प होत आहे, त्यामुळे वेळ, इंधन आणि संसाधनांची नासाडी होत आहे. या नव्या कॉरिडॉरमुळे ही समस्या लवकरच दूर होण्याची शक्यता आहे.

हे पण वाचा : 10 वर्षाच कर्ज 5 वर्षात फेडा! जाणून घ्या भन्नाट उपाय

या प्रकल्पाचा अंदाजे खर्च २५,००० कोटी रुपये इतका असून यासाठी नवीन निविदा प्रक्रियाही सुरू करण्यात आली आहे. याशिवाय, पुणे विभागाने डिसेंबर २०२४ मध्ये याबाबत एक सविस्तर सर्वेक्षण करून रेल्वे बोर्डाला अहवाल सादर केला आहे. सुमारे ७० किलोमीटर लांबीचा हा मार्ग पूर्णतः मालवाहतुकीसाठी आरक्षित असणार आहे. अजित पवारांनी यावेळी हेही स्पष्ट केले की हा रेल्वे मार्ग प्रवाशांसाठी नाही, तर फक्त औद्योगिक मालाच्या वहनासाठीच वापरण्यात येणार आहे.

हे पण वाचा : आता आधार कार्ड झेरॉक्स वापरण्याची गरज नाही! UIDAI ने घेतला मोठा निर्णय

चाकण, रांजणगाव, तळेगाव ही ठिकाणं महाराष्ट्रातील महत्त्वाची औद्योगिक केंद्रं असून येथे हजारो कंपन्या कार्यरत आहेत. अशा ठिकाणांना थेट रेल्वे मार्गाने जोडल्यास मालाची वाहतूक अधिक जलद, सुरक्षित आणि खर्चिकदृष्ट्या फायदेशीर ठरणार आहे. यामुळे या औद्योगिक पट्ट्यांमधील गुंतवणूक वाढेल, रोजगाराच्या संधी निर्माण होतील आणि एकंदर अर्थव्यवस्थेला चालना मिळेल.

हे पण वाचा : वारसा हक्कासाठी कोर्टात जाणार आहात? नियम काय आहेत ते आधीच समजून घ्या

अजित पवारांनी या वेळी स्थलांतरित कामगार, विद्यार्थी, आणि रोजच्या प्रवासासाठी रेल्वेचा वापर करणाऱ्या लाखो नागरिकांचा उल्लेख करत, त्यांना अधिक सुलभ आणि सुसंगत प्रवासाचा अनुभव मिळवून देण्यासाठी सरकार कटिबद्ध असल्याचं सांगितलं. पुणे, पिंपरी-चिंचवड, चाकण, हिंजवडी यांसारख्या ठिकाणी होणाऱ्या विकासाचे व्यवस्थापन योग्य प्रकारे करण्यासाठी रिंगरोड आणि त्यास जोडलेला रेल्वे मार्ग अत्यंत गरजेचा असल्याचे त्यांनी स्पष्ट केले.

हे पण वाचा : देशातील पहिली बँक कधी आणि कुठे सुरू झाली?, जाणून घ्या इतिहास!

पुणे शहराच्या विकासाच्या दृष्टीने ही घोषणा निश्चितच महत्त्वाची मानली जात आहे. एकीकडे लोकल रेल्वेवरचा ताण कमी होईल, तर दुसरीकडे शहराबाहेरील औद्योगिक क्षेत्रांमधील वाहतूक अधिक सुलभ होणार आहे. या पायाभूत सुविधा प्रकल्पामुळे पुण्याच्या वाहतूक व्यवस्थेला मोठा आधार मिळेल, आणि भविष्यातील वाढती मागणी पूर्ण करण्याची क्षमता या प्रकल्पात निश्चितपणे दिसते.

हे पण वाचा : Mahindra XUV700 फेसलिफ्ट येतेय नवीन अवतारात! टेस्टिंग दरम्यान दिसला फर्स्ट लुक