आजचे सोन्याचे भाव वाऱ्याच्या वेगाने वाढले! चांदीही महागली, एका क्लिकवर जाणून घ्या ताजे दर

Gold Price Today : सोनं-चांदीच्या बाजारात पुन्हा एकदा तेजीस सुरुवात झाली आहे. मागील काही दिवसांच्या स्थैर्यांनंतर आज, ९ जुलै रोजी, दोन्ही मौल्यवान धातूंनी किंचित उसळी घेतली असून गुंतवणूकदारांमध्ये उत्सुकता निर्माण झाली आहे. देशांतर्गत तसेच आंतरराष्ट्रीय स्तरावरच्या बाजारभावांमुळे आणि स्थानिक मागणी-पूरवठ्याच्या असंतुलनामुळे हे दर वाढले असल्याचे तज्ज्ञांचे म्हणणे आहे.

हे पण वाचा : आजचा दिवस कसा असेल तुमच्यासाठी? जाणून घ्या ९ जुलैचं संपूर्ण राशिभविष्य!

आजच्या दिवसात २४ कॅरेट सोन्याचा दर प्रति ग्रॅम ₹९,८८५ इतका नोंदवला गेला आहे, जो कालच्या ₹९,८२८ च्या तुलनेत वाढ दर्शवतो. १० ग्रॅमसाठी हा दर ₹९८,८५० वर पोहोचला आहे. २२ कॅरेट सोनंही प्रति ग्रॅम ₹९,०६१ (१० ग्रॅम ₹९०,६१०) दराने विकले जात आहे. याशिवाय, १८ कॅरेट सोन्याचा दर ₹७,४१४ प्रति ग्रॅम इतका झाला आहे, जो कालच्या ₹७,३७१ च्या तुलनेत थोडासा अधिक आहे.

केवळ सोनेच नाही तर चांदीच्याही दरात वाढ नोंदवली गेली आहे. आज चांदी ₹१०९.९० प्रति ग्रॅम या दराने विकली जात आहे, तर प्रति किलोचा भाव ₹१,०९,९०० इतका झाला आहे. या वाढीमुळे दागदागिन्यांचे व्यापारी आणि गुंतवणूकदार दोघेही सावध पावले टाकताना दिसत आहेत.

बाजारातील जाणकार सांगतात की, जागतिक बाजारात अमेरिकन डॉलरच्या कमकुवत होण्यामुळे आणि आर्थिक अनिश्चिततेमुळे गुंतवणूकदार पुन्हा एकदा सुरक्षित पर्याय म्हणून सोन्याकडे वळत आहेत. त्याचबरोबर, भारतात लग्नसराईचे दिवस जवळ येत असल्याने स्थानिक मागणीतही वाढ झाली आहे. त्यामुळे येत्या काही दिवसांत दर आणखी वाढण्याची शक्यता वर्तवली जात आहे.

हे पण वाचा : आज भारत बंद! २५ कोटी कामगार संपावर, वाचा नेमकं काय बंद राहणार आणि काय सुरु राहणार?

सोने आणि चांदीचे दर हे केवळ दागिन्यांपुरते मर्यादित नसतात, तर ते गुंतवणुकीच्या दृष्टीनेही महत्त्वाचे मानले जातात. अनेक कुटुंबे आपल्या बचतीचे स्वरूप म्हणून आजही सोन्यात गुंतवणूक करतात. त्यामुळे दर वाढले की ग्राहकांची खरेदी क्षमता कमी होते, तर व्यापाऱ्यांच्या उलाढालीवरही परिणाम होतो.

या पार्श्वभूमीवर ग्राहकांनी खरेदीपूर्वी दरांची माहिती घ्यावी आणि संभाव्य चढउतार लक्षात घेऊनच निर्णय घ्यावा, असा सल्ला सराफ व्यावसायिकांकडून दिला जात आहे.