व्यवसायात वारंवार नुकसान होतंय? ‘हे’ 7 वासू उपाय देतील जबरदस्त नफा, लक्ष्मीच्या कृपेने येईल पैसाच पैसा!

व्यवसायात यश हवे असेल तर फक्त मेहनतच नाही, तर आपल्या आजूबाजूच्या वातावरणाचाही मोठा वाटा असतो. भारतात हे सगळं फार पूर्वीपासून समजलं गेलं आहे आणि म्हणूनच वास्तुशास्त्र हे आपल्या व्यवसायिक यशाच्या मुळाशी जोडलेलं आहे. अनेक वेळा आपण खूप मेहनत घेतो, योजना आखतो, पण तरीही व्यवसाय पुढे जात नाही. अशा वेळी वास्तुशास्त्रातील काही साधे पण प्रभावी उपाय नक्कीच उपयोगी ठरू शकतात.

कुबेर देवताची मूर्ती

वास्तुशास्त्रानुसार, ऑफिस किंवा दुकानात काही गोष्टींचं नीट नियोजन केल्यास ते आर्थिक प्रगतीसाठी मदत करतं. उदाहरणार्थ, ऑफिसच्या उत्तर दिशेला देवता कुबेर यांची मूर्ती ठेवण्याचा सल्ला दिला जातो. उत्तर दिशा ही समृद्धीची दिशा मानली गेली असून, इथे हिरवळ किंवा निसर्गदृश्य दाखवणारे सुंदर चित्रही लावले तर मानसिक शांतता आणि आर्थिक स्थैर्य यामध्ये वाढ होते.

तिजोरीची दिशा

तिजोरी किंवा कॅश काउंटरसाठीसुद्धा विशिष्ट दिशा महत्त्वाची असते. त्याचं उत्तर दिशेकडे तोंड असावं आणि ती नैऋत्य दिशेला असावी, असं मानलं जातं. त्यामुळे पैसे टिकतात आणि नफा वाढतो, असा अनुभव अनेक व्यावसायिक घेतात. या लॉकरसमोर जर एक स्वच्छ आरसा ठेवला गेला, तर ते समृद्धीचं प्रतीक ठरतं. मात्र तुटलेली काच कार्यालयात कोणत्याही परिस्थितीत ठेवू नये, ती नकारात्मकता आणू शकते.

मुख्य दरवाजाची दिशा

मुख्य दरवाजाची दिशा ही सुद्धा लक्ष्मीच्या आगमनाशी संबंधित आहे. उत्तर, ईशान्य किंवा पूर्व या दिशांनी उघडणारा दरवाजा शुभ मानला जातो. यामुळे सकारात्मक ऊर्जा प्रवेश करते आणि आर्थिक अडचणी हळूहळू दूर होतात.

मनी प्लांट

कामाच्या जागी मनी प्लांट, लकी बांबू किंवा जेड प्लांटसारखे नाजूक आणि हिरवे रोप ठेवावं. ही रोपं केवळ सौंदर्य वाढवत नाहीत, तर ते सकारात्मक कंपनही वाढवतात. काटेरी किंवा कोरडी रोपं याउलट नकारात्मकतेचं प्रतीक मानली जातात आणि त्यामुळे अशा रोपांचा ऑफिसात समावेश टाळावा.

जर तुमच्याकडे कॉन्फरन्स रूम असेल, तर ती वायव्य किंवा पश्चिम दिशेला असावी. तिथे महत्त्वाच्या चर्चा सकारात्मक वातावरणात घडतात. मात्र ती नैऋत्य दिशेला असेल, तर मतभेद, गोंधळ किंवा निर्णयांमध्ये अडथळे येऊ शकतात.

लहानसं मंदिर

अगदी शेवटी, ऑफिसमध्ये एक लहानसं मंदिर असणं खूपच शुभ मानलं जातं. दररोज सकाळी ऑफिसमध्ये प्रवेश करताना देवस्थानाची स्वच्छता करणं, धूप लावणं, किंवा एक छोटा दिवा पेटवणं हे केवळ श्रद्धेचा भाग नाही, तर एक मानसिक ऊर्जा देणारं काम आहे. ते कामाच्या सुरुवातीस सकारात्मकतेचं बीज पेरतं.

अशा या उपाय योजना कोणत्याही मोठ्या खर्चाविना करता येण्यासारख्या आहेत. त्यामुळे जर व्यवसायात सतत अडचणी येत असतील, तर हे छोटे वास्तु उपाय अंगीकारून बघा.