पेट्रोलच्या खर्चाची झंझट मिटली! फक्त 13 लाखात 2000 किमी रेंज देणारी SUV लाँच; मुंबई ते गोवा आरामात होणार प्रवास

Electric Car India : इंधन दरांमध्ये सातत्याने होणारी वाढ आणि पर्यावरणपूरक जीवनशैलीकडे वळणारा जनमानसाचा कल लक्षात घेता, वाहन उद्योगात सध्या इलेक्ट्रिक आणि हायब्रिड गाड्यांचे वारे जोरात वाहत आहेत. याच बाजारात आता चिनी वाहन कंपनी BYD ने आपली नवी दमदार SUV – BYD Seal 06 DM-i वॅगन लाँच करत जबरदस्त खळबळ उडवून दिली आहे.

हे पण वाचा : कोंबडा आहे ‘या’ दोन देशांचा राष्ट्रीय पक्षी, कधीही न वाचलेलं उत्तर वाचून व्हाल थक्क

विशेष म्हणजे, ही कार प्लग-इन हायब्रिड असून एकदा फुल चार्ज आणि फ्युएल भरल्यावर तब्बल २००० किलोमीटरची रेंज देते! मुंबई-पुणे किंवा पुणे-गोवा अशा लांबच्या ट्रिप्ससाठी सतत रिफिलचा विचारच नाही. आणि एवढी अफाट क्षमता असलेल्या या कारची किंमतही आश्चर्यजनकपणे फक्त १३ लाख रुपये (भारतीय चलनानुसार) इतकीच आहे.

ही कार प्रथम चीनमध्ये सादर करण्यात आली असून, Seal 06 DM-i वॅगन चं स्वरूप एखाद्या एलिगंट सेडानसारखं गुळगुळीत आणि आकर्षक आहे. ‘मरीन एस्थेटिक्स’ डिझाइन भाषेचा वापर करून तयार करण्यात आलेली ही गाडी बघताक्षणी लक्ष वेधून घेते. फ्रंटला एलईडी हेडलॅम्प्स, उलट ट्रॅपेझ डिझाइन ग्रिल, लपवलेली दरवाजांची हँडल्स आणि मागच्या बाजूस संपूर्ण लांबीचा टेललॅम्प अशा फिचर्समुळे ती एक स्टायलिश आणि प्रीमियम SUV वाटते.

गाडीचा आकारही प्रशस्त आहे – ४८५० मिमी लांबी, १८९० मिमी रुंदी आणि २७९० मिमी व्हीलबेस यामुळे ही कार शहरात फिरवण्याइतकी कॉम्पॅक्ट असूनही लांब पल्ल्याच्या प्रवासासाठी एकदम योग्य आहे. तिचा ड्रॅग कोफिशिएंट केवळ ०.२८४ Cd असून त्यामुळे अधिक इंधन कार्यक्षमतेची हमी मिळते.

इंजिनबाबत बोलायचं झाल्यास, यामध्ये BYD ची पाचव्या जनरेशनची प्लग-इन हायब्रिड सिस्टम बसवण्यात आली आहे. या SUV मध्ये १.५ लिटर नॅचरली एस्पिरेटेड पेट्रोल इंजिन असून ते ९९ एचपी ताकद देते. याला १६१ एचपीच्या इलेक्ट्रिक मोटरसह जोडण्यात आलं आहे. फक्त ८.७ सेकंदांत ० ते १०० किमी/ताशी वेग गाठण्याची क्षमता असल्यामुळे परफॉर्मन्सच्या बाबतीतही ही कार कुठेच कमी पडत नाही.

हे पण वाचा : देशातील सर्वात स्वस्त कारवर भलामोठा डिस्काऊंट; 34 किमी मायलेज, 6 एअरबॅग्स आणि किंमतही खिशाला परवडणारी!

BYD ही चीनमधील आघाडीची इलेक्ट्रिक कार उत्पादक कंपनी असून तिने यापूर्वीही अनेक दमदार गाड्या बाजारात आणल्या आहेत. यातील अनेक मॉडेल्स युरोपमध्येही यशस्वी ठरले आहेत. CarNewsChinaच्या रिपोर्टनुसार, ही Seal 06 DM-i वॅगन लवकरच युरोपातही विक्रीसाठी आणण्यात येणार आहे. त्यामुळे ती भारतातही येण्याची शक्यता वर्तवली जात आहे.